កីឡាករសញ្ជាតិអុីតាលី Gianluigi Buffon អ្នកចាំទីដៃស្អិតរបស់ក្រុម Juventus បានឈ្នះពានរង្វាន់ជើងមាស (Golden Foot) ប្រចាំឆ្នាំ២០១៦ ដោយត្រូវបានគេបោះឆ្នោតឲ្យឈ្នះលើកីឡាករ Lionel Messi, Cristiano Ronaldo និងកីឡាករ Wayne Rooney នៅប្រទេសម៉ូណាកូ កាលពីថ្ងៃទី១១ ខែតុលា ។

ពានរង្វាន់នេះ គឺសម្រាប់ជូនកីឡាករដែលមានវ័យ២៨ឆ្នាំឡើងទៅដែលបាន បង្កើតឡើងដោយ World Champions Club ក្រោមការឧបត្ថម្ភពីព្រះមហាក្សត្រ Albert II របស់ប្រទេសម៉ូណាកូដោយគិតលើសមិទ្ធផលរបស់ពួកគេប្រចាំឆ្នាំ និងបុគ្គលិកលក្ខណៈហើយបោះឆ្នោតដោយអ្នកគាំទ្រ ។

គួរបញ្ជាក់ថា មិនមែនតែកីឡាករទាំង ៣នាក់ (Lionel Messi, Cristiano Ronaldo និងកីឡាករ Wayne Rooney) ទេដែលឈរឈ្មោះនៅឆ្នាំនេះគឺមានបេក្ខភាពមួយចំនួនទៀតដូចជាកីឡាករ Edinson Cavani, Frank Lampard, Iker Casillas, Kaka, Thiago Silva និង Andrea Pirlo ផងដែរ។

កីឡាករដែលធ្លាប់ឈ្នះពានរង្វាន់នេះពីមុនមាន Samuel Eto’o (ឆ្នាំ២០១៥), Andres Iniesta (ឆ្នាំ២០១៤), Didier Drogba (ឆ្នាំ២០១៣), Zlatan Ibrahimovic (ឆ្នាំ២០១២), Ryan Giggs (ឆ្នាំ២០១១) និង Francesco Totti (ឆ្នាំ២០១០)៕

ដោយ៖ ដេវីត