ភ្នំពេញ៖ លោក ហែម ដារិទ្ធ អភិបាលខណ្ឌពោធិ៍សែនជ័យ និងកម្លាំងនគរបាលរួមទាំងកម្លាំងអាវុធហត្ថបានធ្វើពិធីវាយកម្ទេចទូហ្គេមបាញ់ត្រីដែលគណៈបញ្ជាការឯកភាពខណ្ឌបង្ក្រាបបានជាបន្តបន្ទាបនៅក្នុងមូលដ្ឋាន។

ប្រតិបត្តិការនេះបានធ្វើឡើងនៅវេលាម៉ោង៨ និង៣០នាទីព្រឹកថ្ងៃទី១៨ ខែតុលា ឆ្នាំ២០១៦ នៅដីឡូត៍មួយកន្លែង ភូមិក្បាលដំរី សង្កាត់កាកាប ខណ្ឌពោធិ៍សែនជ័យ។

លោកហែម ដារិទ្ធ បានឲ្យដឹងថា ទូហ្គេមដែលធ្វើការវាយកម្ទេចនោះមានចំនួន១៧ទូ ដែលលោកឃឹម ស៊ុនសូដា អភិបាលរងដឹកនាំកម្លាំងចុះបង្ក្រាបបានជាបន្តបន្ទាប់នៅកន្លែងផ្សេងគ្នា ហើយប្រភេទហ្គេមបាញ់ត្រីនេះកំពុងតែពង្វក់ស្មារតីក្មេងៗ សិស្សានុសិស្សមួយចំនួនគេចសាលាមិនចូលរៀន និងកើតមានអំពើ ឆក់ ប្លន់ ជាដើម៕

ដោយ៖ សុខាសែនជ័យ