ភ្នំពេញ៖ គិតត្រឹមថ្ងៃទី៣០ ខែតុលា ឆ្នាំ២០១៦ការប្រកួតកីឡាជាតិបាន ដំណើរការឮអស់រយៈពេល៥ថ្ងៃហើយ ក្នុងនោះអត្តពលិកទាំង២៥រាជធានី-ខេត្ត ដែលដណ្តើមបានមេដាយពីព្រឹត្តិការណ៍នេះច្រើនជាងគេ គឺអត្តពលិករបស់រាជធានី ភ្នំពេញដែលបាននិងកំពុងឈរនៅលេខរៀងទី១បណ្តោះអាសន្នខណៈអត្តពលិកក្រសួងមហាផ្ទៃតាមជាប់ពីក្រោយដោយមានមេដាយមាស១គ្រឿង ។
នេះបើយោង តាមរបាយការណ៍ដែញចេញដោយអគ្គនាយកដ្ឋាននៃអគ្គនាយកដ្ឋានអប់រំកាយនិងកីឡា ។
ចំពោះអត្តពលិកមកពីតាមបណ្តាខេត្ត មានតែក្រុមកីឡាករកីឡាការិនីមកពីខេត្តកំពតទេដែលដណ្តើមបានមេដាយច្រើន ជាងគេ ក្នុងនោះដែរមានខេត្តចំនួន១០នៅមិនទាន់ដណ្តើមបានមេដាយមួយគ្រឿងសោះដូចជា ខេត្តកោះកុង ស្វាយរៀង ក្រចេះ ពោធិ៍សាត់ បន្ទាយមានជ័យ ព្រះវិហារ រតនគិរី កែប ត្បូងឃ្មុំ ប៉ៃលិន និងកំពង់ស្ពឺ។
គួររំលឹកថា ព្រឹត្តិការណ៍ប្រកួតកីឡា ជាតិលើកទី១ធ្វើឡើងពីថ្ងៃទី២៥ ខែតុលា ដល់ថ្ងៃទី៥ ខែវិច្ឆិកា ឆ្នាំ២០១៦ បច្ចុប្បន្ន ចំនួនមេដាយដែលអត្តពលិកដណ្តើមបានលើប្រភេទកីឡាមួយចំនួនដូចជាវាយកូនឃ្លីលើតុ កីឡាតេក្វាន់ដូ ហែលទឹក និងអត្ត ពលកម្ម អស់មេដាយ មាសចំនួន៤៦គ្រឿង មេដាយប្រាក់៤៦គ្រឿងមេដាយសំរឹទ្ធិ៥២គ្រឿង សរុប១៤៤គ្រឿង ៕
ដោយ៖ សារីម
