ខ្សែប្រយុទ្ធអន្តរជាតិវេល Gareth Bale បានយល់ព្រមបន្តកិច្ចសន្យាថ្មីលេងឲ្យក្រុម Real Madridរហូតដល់ឆ្នាំ២០២២។

កីឡាករវ័យ២៧ឆ្នាំនេះបានផ្លាស់ចេញពីក្រុម Tottenham Hotspur របស់អង់គ្លេសមកកាន់ប្រទេសអេស្ប៉ាញ ដោយចុះកិច្ចសន្យា៦ឆ្នាំក្នុងឆ្នាំ២០១៣ ដោយមានតម្លៃខ្លួនខ្ពស់បំផុតបំបែកកំណត់ត្រាពិភពលោកដោយតម្លៃ៨៥លានផោន។

Gareth Bale បានជួយក្រុម Real Madridឈ្នះជើងឯកចំនួន៥ក្នុងចំណោម៣ឆ្នាំចុងក្រោយនេះ ដោយឈ្នះ Champions League ចំនួន២ដង ហើយស៊ុតបាល់បាន៦២គ្រាប់ក្នុងចំណោម១៣៥ប្រកួត ។

បើតាមកិច្ចសន្យាថ្មីនេះ Gareth Bale នឹងអាចទទួលបានថ្លៃឈ្នួល៦០ម៉ឺនផោនក្នុងមួយសប្តាហ៍ ហើយនៅសល់៣៥ម៉ឺនផោនក្រោយបង់ពន្ធរួច ៕

ដោយ៖ ដេវីត