មន្រ្តីនគរបាលខេត្តព្រះសីហនុបានឲ្យដឹងថា មុនពេលកើតមានករណីគ្រោះថ្នាក់ចរាចរណ៍ខាងលើនេះ គឺបង្កឡើងដោយរថយន្តដឹកទំនិញ១គ្រឿង បើកបរដោយឈ្មោះ ឃុត រ៉ាវុទ្ធ អាយុ២៨ឆ្នាំ មុខរបរអ្នកបើកបររថយន្ត មានទីលំនៅភូមិ៣ សង្កាត់លេខ២ ក្រុងព្រះសីហនុ (មានជាតិអាល់កុលក្នុងខ្លួន 0,89mg/L ) ក្នុងទិសដៅពី ភ្នំពេញឆ្ពោះមកក្រុងព្រះសីហនុ លុះដល់ចំណុចខាងលើ បានរេចង្កូតពេញផ្លូវទៅបុកនឹងរថយន្តដឹកស៊ីម៉ង់ត៍១គ្រឿង ដែលមានទិសដៅបញ្រ្ចាសគ្នា បណ្ដាលឲ្យក្រឡាប់តែម្តង ប៉ុន្ដែសំណាងល្អពុំបណ្ដាលឲ្យមានអ្នករងរបួសទេ។

មន្រ្តីនគរបាល បានបន្ថែមទៀតថា ក្រោយកើតហេតុភ្លាមៗ ស្នងការនគរបាលខេត្តព្រះសីហនុ លោកឧត្តមសេនីយ៍ទោ បានបញ្ជាឲ្យកម្លាំងសមត្ថកិច្ចចាប់វាយខ្នោះ ហើយបញ្ជូនខ្លួនទៅកាន់តុលាការចាត់ការតាមនីតិវិធី។

សម្រាប់វត្ថុតាងរថយន្តទាំង២គ្រឿងនេះ ត្រូវបានយកមករក្សាទុកនៅអធិការដ្ឋាននគរបាលស្រុកកំពង់សិលា៕