ខេត្តកំពង់ស្ពឺ៖ សមត្ថកិច្ចខេត្តកំពង់ស្ពឺបាននិងកំពុងតាមប្រមាញ់ជនសង្ស័យម្នាក់ធ្វើសកម្មភាពចាក់សម្លាប់មនុស្សបណ្តាលឲ្យបាត់បង់ជីវិតយ៉ាងអាណោចអាធ័ម ។

ហេតុការណ៍បានភ្ញាក់ផ្អើលឡើងនៅវេលាម៉ោង៥និង៣០នាទីទៀបភ្លឺ ថ្ងៃទី១៨ ខែធ្នូ ឆ្នាំ២០១៦ ស្ថិតនៅចំណុចខារ៉ាអូខេចាន់ក្រហម ភូមិអូរអង្គំ ឃុំអមលាំង ស្រុកថ្ពង ខេត្តកំពង់ស្ពឺ ។

ប្រភពព័ត៌មានពីសមត្ថកិច្ចបានថ្លែងថា ករណីហិង្សាបណ្តាលឲ្យស្លាប់នៅពេទ្យឧដុង្គ ជនរងគ្រោះឈ្មោះប៊ូ ស្រី ភេទស្រី អាយុ៣៣ឆ្នាំ នៅភូមិព្រៃជ្រៅ ឃុំក្បាលទឹក ស្រុកទឹកផុស កំពង់ឆ្នាំង ត្រូវបានប្តីឈ្មោះនេត ថេត អាយុ៤៣ឆ្នាំ ចាក់១កាំបិតចុងស្រួច ចំពោះបណ្តាលឲ្យស្លាប់ ។

សមត្ថកិច្ចបញ្ជាក់ថា មូលហេតុ ប្តីបាត់ប្រពន្ធ៣ថ្ងៃ តាមរកឃើញនៅខារ៉ាអូរខេ ក៏ចាក់តែម្តង រួចរត់គេចខ្លួនបាត់ស្រមោល ។ ចំពោះករណីនេះ សមត្ថកិច្ចកំពុង តាមរកជនបង្ក នាំខ្លួនមកកសាងសុំណុំរឿងតាមនីតិវិធី ៕