ភ្នំពេញ៖ កម្លាំងអធិការដ្ឋាននគរបាលខណ្ឌទួលគោក សហការជាមួយនគរបាលប៉ុស្តិ៍ផ្សារដេប៉ូទី២ បានឃាត់ខ្លួនយុវជនម្នាក់ជាក់ស្តែង ពីបទប្រើប្រាស់ដោយខុសច្បាប់នូវសារធាតុញៀន កាលពីវេលាម៉ោង ២និង៣០នាទី រំលងអាធ្រាត្រថ្ងៃទី៩ ខែមករា ឆ្នាំ២០១៧  នៅចំណុចមុខផ្ទះលេខ៩៧បេ ផ្លូវលេខ ១៥០ ក្រុមទី១ ភូមិ១ សង្កាត់ផ្សារដេប៉ូទី២ ខណ្ឌទួល គោក រាជធានីភ្នំពេញ ។

ជនសង្ស័យឈ្មោះ បិន សុវណ្ណបញ្ចរូឌ ហៅកែវ ដារ៉ា ភេទប្រុស អាយុ២៣ឆ្នាំ ជនជាតិខ្មែរ មុខរបរនិងស្នាក់នៅពុំពិតប្រាកដ ។ វត្ថុតាងដែលបានចាប់យក ក្រាមពណ៌សថ្លា១កញ្ចប់តូច ( សង្ស័យជាគ្រឿងញៀន ) ។

បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់ ៕

ដោយ៖ ស តារា