ភ្នំពេញ៖ កាលពីវេលាម៉ោង៨និង៤០នាទីថ្ងៃទី១២ ខែមករា ឆ្នាំ២០១៧ ស្ថិតនៅក្រុមទី៦ ភូមិទ្រា២ សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ កម្លាំងនគរបាលខណ្ឌមានជ័យសហការជាមួយប៉ុស្តិ៍រដ្ឋបាលស្ទឹងមានជ័យ ដឹកនាំកម្លាំងដោយលោក ហួរ ម៉េងវ៉ាង អធិការរងខណ្ឌមានជ័យ លោក ម៉ៅ សាវឿន នាយប៉ុស្តិ៍រដ្ឋបាលស្ទឹងមានជ័យ បានឃាត់ខ្លួនជនសង្ស័យជួញដូរនិងប្រើប្រាស់គ្រឿងញៀន២នាក់ និងថ្នាំចំនួន១៦កញ្ចប់ (ធំ៣កញ្ចប់ ១៣កញ្ចប់តូច) កាំបិតចិតបន្លែ៣ដើម និងកាំបិតប័ុងតោ១។

ជនសង្ស័យទាំង២មាន ទី១.ឈ្មោះជឹម វ៉ាន់ថា អាយុ៣៨ឆ្នាំ ស្នាក់នៅផ្ទះជួល ភូមិទ្រា២ មុខរបរមិនពិតប្រាកដ ទី២.ឈ្មោះពេជ្រ ភារុណ អាយុ២៥ឆ្នាំ មុខរបរមិនពិតប្រាកដ ។

បច្ចុប្បន្នជនសង្ស័យរួមវត្ថុតាងត្រូវបានបញ្ជូនអធិការដ្ឋាននគបាលខណ្ឌមានជ័យនិងកសាងសំណុំរឿងទៅតុលាការ ចាត់ការតាមនីតិវីច្បាប់៕

ដោយ៖ តាឡឹម