ខេត្តកណ្តាល ៖ ក្មេងស្រីអាយុជាង១ឆ្នាំម្នាក់ ត្រូវបានឆក់ខ្សែភ្លើងស្លាប់ ខណៈលេងព្រីភ្លើងជំនៀងផ្ទះ កាលពីវេលាម៉ោង១០និង២០នាទី ថ្ងៃទី២៤ ខែមករា ឆ្នាំ២០១៧ នៅភូមិត្រយឹង ឃុំពើកស្រុកអង្គស្នួល ខេត្តកណ្តាល។

ម្តាយក្មេងស្រីរងគ្រោះបាននិយាយឲ្យដឹងថា កូនស្រីគាត់បានទៅលេងនៅក្បែរព្រីភ្លើងជំនៀងផ្ទះ ហើយបណ្តាលអោយឆក់ខ្សែងភ្លើង  ។ រូបគាត់បានព្យាយាមជួយសង្រ្គោះ និងបានបញ្ជូនទៅមន្ទីរពេទ្យ តែកូនស្រីគាត់បានស្លាប់បាត់ទៅហើយ ។

សមត្ថកិច្ចនគរបាលស្រុកអង្គស្នួលបានឲ្យដឹងថា ក្មេងស្រីរងគ្រោះឈ្មោះ ហេង គីមឡាយ អាយុ១ឆ្នាំ៧ខែ រស់ នៅភូមិកើតហេតុខាងលើ ។

ករណីនេះ តាមការពិនិត្យរបស់ជំនាញនគរបាលស្រុក  និងអាជ្ញាធរឃុំឃើញថា ក្មេងស្រីរងគ្រោះពិតជាឆក់ខ្សែ ភ្លើងស្លាប់មែន ។

ក្រោយពិនិត្យរួច សពបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ ស្អាងជ័យ