ភ្នំពេញ៖ នៅរាត្រីថ្ងៃទី២៣ ខែមករា ឆ្នាំ២០១៧ តារាបាល់ទាត់ល្បីឈ្មោះ ចាន់ វឌ្ឍនាកា បានរៀបចំពិធីខួបកំណើតគម្រប់អាយុ២៣ឆ្នាំរបស់ខ្លួននៅក្នុងភោជនីយដ្ឋាន ភ្នំពេញស្យាម(Phnom Penh Siam)ស្ថិត នៅផ្ទះលេខ១៦៨ ផ្លូវប៉ាស្ទ័រ សង្កាត់បឹងកេងកង១ ខណ្ឌចំការមន។ កម្មវិធីនេះមានវត្តមានភ្ញៀវកិត្តិយសមួយចំនួនជាមន្ត្រីរាជការ កីឡាករ សិល្បករនិងសាច់ញាតិជិត ដិតប្រមាណជាង១០០នាក់។

កីឡាករចាន់ វឌ្ឍនាកា ដែលកំពុងមានឈ្មោះល្បីក្នុងពិភពបាល់ទាត់បានកើតនៅ ថ្ងៃទី២៣ ខែមករា ឆ្នាំ១៩៩៤។ លោកគឺជា កីឡាករបាល់ទាត់កម្ពុជាដែលមានតួនាទីជាខ្សែបម្រើលេងឲ្យក្លិបបាល់ទាត់បឹងកេតអង្គរហើយក៏លេងឲ្យក្រុមជម្រើសជាតិកម្ពុជា ជាខ្សែបម្រើប្រយុទ្ធ។ កូនប្រុសលោកអភិបាលខេត្តកំពត លោក ចាន់ ចេស្តារូបនេះធ្លាប់បានចូលរួមជាមួយនឹងកីឡាករបាល់ទាត់រួមជំនាន់បំបែកកំណត្រានិងសាងប្រវត្តិ សាស្ត្រកម្ពុជាក្នុងពិភពបាល់ទាត់។ កម្មវិធីខួបកំណើតក្នុងហាងភ្នំពេញស្យាមនេះត្រូវបានគេដឹងដែរថាលោករៀបជាមួយនឹងមិត្តភក្តិជិតដិត២រូបផ្សេងទៀតផងដែរ៕ វឌ្ឍនា