កីឡាករ Nelson Semedo ខ្សែការពារ របស់ក្លិប Benfica ដែលត្រូវបានព័ត៌មាន លេចឮថា មានទំនាក់ទំនងយ៉ាងជិតស្និទ្ធជាមួយនឹងក្លិប Bayern Munich និង ជាពិសេសគឺក្លិបបិសាចក្រហម Man United ។ ប៉ុន្តែក្លិបបិសាចក្រហមជាអ្នក ចាប់អារម្មណ៍សម្រាប់ការដាក់តម្លៃប្រមាណ៣៤,៥លានផោនក្នុងការនាំយកកីឡាកររូបនេះ មកពង្រឹងក្លិប។

កីឡាករវ័យ២៣ឆ្នាំសញ្ជាតិព័រទុយហ្គាល់រូបនេះពិតជាទទួលបានការចាប់អារម្មណ៍ជាច្រើនពីក្លិបធំៗនៅតាមបណ្តាទ្វីបអឺរ៉ុប ប៉ុន្តែរូបគេទំនងនឹងអាចធ្វើដំណើរមកកាន់ទឹកដីនៃប្រទេសអង់គ្លេសច្រើនជាង។

ទោះបីជាយ៉ាងណាក៏ដោយក៏គេនៅ មិនទាន់ច្បាស់នៅឡើយថា ក្លិបបិសាច ក្រហមអាចចុះកុងត្រាជាមួយនឹងកីឡាករ រូបនេះបានឬយ៉ាងណានោះទេ ស្របពេលដែលក្លិបBenficaបានដាក់តម្លៃលក់រហូតទៅដល់៣៤,៥លានផោនហើយក្នុងនោះក្លិបតោខៀវក៏បានចូលរួមការប្រជែងយកកីឡាករខ្សែការពាររូបនេះផងដែរ ។

គួរបញ្ជាក់ថា ក្លិបបិសាចក្រហម Man United កំពុងឈរនៅលេខរៀងទី៦មាន ៤១ពិន្ទុចាញ់ពិន្ទុក្រុមកំពូលតារាង Chelsea រហូតដល់១៩ពិន្ទុសម្រាប់ពាក់កណ្តាលរដូវកាលនេះ ៕ ដេវីត