ខេត្តកំពង់ធំ៖ កាលពីវេលាម៉ោង៧និង១៥នាទីព្រឹកថ្ងៃទី៨ ខែកុម្ភៈ ឆ្នាំ២០១៧ មានហេតុការណ៍គ្រោះថ្នាក់ចរាចរណ៍កើតឡើងលើផ្លូវជាតិលេខ៦ ត្រង់ចំណុចភូមិរពាក់ពេន ឃុំទ្រៀល ស្រុកបារាយណ៍ រវាងរថយន្តបុក និងម៉ូតូបណ្ដាលឲ្យបុរស៣នាក់រងរបួសធ្ងន់ ។
តាមប្រភពព័ត៌មានពីសមត្ថកិច្ចបានឲ្យដឹងថា ហេតុការណ៍នេះបង្កឡើងដោយរថយន្តម៉ាកកាមរីឆ្លាម ពណ៌ស្លែ ពាក់ស្លាកលេខ កណ្ដាល 2A-3617 បើកបរដោយឈ្មោះ ឡេង ប៊ុនឡុង ភេទប្រុស អាយុ៣៣ឆ្នាំ រស់នៅភូមិពោធិ៍ សង្កាត់សៀមរាប ក្រុងសៀមរាប ខេត្តសៀមរាប បានបើកទៅបុកម៉ូតូម៉ាកសេ១០០ កូរ៉េ ពណ៌ក្រហម បើកបរដោយឈ្មោះ ប៉ូរ៉ាត ភេទប្រុស អាយុ៤២ឆ្នាំ រស់នៅទួលអំពិល ឃុំស្រឡៅ ស្រុកបារាយណ៌ខេត្តកំពង់ធំ (របួសធ្ងន់)រួមដំណើរ ទី១ឈ្មោះប៉ូនថៃ ភេទប្រុស អាយុ១៩ឆ្នាំរស់នៅភូមិជាមួយគ្នា(របួសធ្ងន់) ទី២ឈ្មោះលៀង នោម ភេទប្រុស អាយុ២៧ឆ្នាំ រស់នៅភូមិឃុំដូចគ្នា(របួសធ្ងន់)។
ជនទាំង៣នាក់ត្រូវបានសមត្ថកិច្ចបញ្ចូនទៅមន្ទីរពេទ្យបង្អែកបារាយណ៌សន្ទុក។
ក្រោយកើតហេតុសមត្ថកិច្ចធ្វើការវាស់វែងបញ្ជូនវត្ថុតាងយកមករក្សាទុកនៅអធិការដ្ឋាននគរបាលស្រុកបារាយណ៌រងចាំការដោះស្រាយគ្នាតាមច្បាប់៕ ប៊ុន រិទ្ធី
