កីឡាករសញ្ជាតិបារាំង Matial ត្រូវបាន ក្រុមលេខរៀងទី៣មាន់ខ្នាយមាសSpurs ចាប់អារម្មណ៍ស្របពេលដែលក្លិបបិសាចក្រហមមិនទាន់មានភាពច្បាស់លាស់នឹងកុងត្រាថ្មីរបស់គេ។ នេះបើយោងតាម ប្រភពព័ត៌មានរបស់ The Mirror Sports ចេញផ្សាយកាលពីថ្ងៃអង្គារ ។

កីឡាករសញ្ជាតិបារាំងវ័យ២១ឆ្នាំរូបនេះ ហាក់មិនត្រូវបានធ្វើឲ្យគ្រូបង្វឹកក្រុមបិសាច ក្រហមលោក Jose Mourinho បញ្ចូល ឈ្មោះទៅក្នុងជម្រើសទី១របស់លោកឡើយ ចាប់តាំងពីដើមរដូវកាលមកហើយការ ពិភាក្សាបន្តកុងត្រាក៏មិនមានលទ្ធផលនៅឡើយដែរ។ ស្របពេលដែលកីឡាករ សំខាន់មួយចំនួនក៏លេចឮដំណឹងមិន ច្បាស់លាស់ដូចគ្នា ។

នៅក្លិបបិសាចក្រហមកីឡាកររូបនេះអាចរកគ្រាប់បាល់បានទៅដល់១៧គ្រាប់ គិតចាប់តាំងពីពេលបង្ហាញខ្លួនដំបូង ប៉ុន្តែគេមិនអាចរក្សាទម្រង់លេងបែបនេះនៅក្នុង រដូវកាលថ្មីបានឡើយស្របពេលដែលក្លិបនឹងនាំយកកីឡាករខ្សែប្រយុទ្ធ Antonio Girezman នាពេលខាងមុខទៀតនោះការចាកចេញរបស់គេនឹងពិតជាអាចទៅរួច ៕ ដេវីត