ភ្នំពេញ៖ នៅវេលាម៉ោង៤និង៣៥នាទីរសៀលថ្ងៃទី១៥ ខែកុម្ភៈ ឆ្នាំ២០១៧ កម្លាំងនគរបាលផ្នែកប្រឆាំងគ្រឿងញៀនបានឃាត់ខ្លួនជនសង្ស័យជាអនីតីជន២នាក់ ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចផ្លូវរថភ្លើង ក្រុមទី១០៦ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។

ជនសង្ស័យឈ្មោះចាន់ ស្រីមាស ភេទស្រី អាយុ១៣ឆ្នាំ មុខរបរពុំពិតប្រាកដ ស្នាក់មិនពិតប្រាកដ និងម្នាក់ទៀតឈ្មោះ សាធ ស្រីណែត ភេទស្រី អាយុ១២ឆ្នាំ មុខរបរពុំពិតប្រាកដ ស្នាក់ផ្ទះជួល ផ្លូវរថភ្លើង សង្កាត់បឹងកក់២ ខណ្ឌទួលគោក ។

វត្ថុតាងចាប់យកមានៈ ក្រាមពណ៌សថ្លាចំនួន៤២កញ្ចប់តូច (សង្ស័យជាគ្រឿងញៀន)។

បច្ចុប្បន្នជនសង្ស័យជាអនីតីជនកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរកសាងសំណុំរឿងនិងបញ្ជូនជនសង្ស័យទៅសាលាដំបូងរាជធានីភ្នំពេញចាត់ការតាមផ្លូវច្បាប់ ៕ ស តារា