ខេត្តស្វាយរៀង៖ មានគ្រោះថ្នាក់ចរាចរណ៍២កន្លែងផ្សេងគ្នាបណ្តាលឲ្យនាយនគបាលថ្នាក់វរៈសេនីយ៍ត្រីម្នាក់ស្លាប់ពេលដឹកមកដល់មន្ទីរពេទ្យខេត្តនិង៤នាក់ផ្សេងទៀតរបួសធ្ងន់ធ្ងរបុកជាមួយម៉ូតូ កាលពីវេលាម៉ោង៤និង៣០នាទីរសៀលថ្ងៃទី៤មិនា២០១៧។បើតាមសមត្ថកិច្ចគបាលក្រុងស្វាយរៀងបានឲ្យដឹងថា ករណីទី១កើតឡើង នៅចំណុចច្រមុះជ្រូករូបសឹង្ហ ស្ថិតនៅភូមិឃោសាង សង្កាត់ស្វាយតឿ ក្រុងស្វាយរៀងរវាងម៉ូតូនិងម៉ូតូ បណ្តាលឲ្យជនរងគ្រោះឈ្មោះសូ សាកៀង ភេទប្រុសអាយុ៥១ឆ្នាំជានគបាល ឋានន្តរសក្តិ វរៈសេនីយ៍ត្រី តួនាទីជាអនុវរៈនគបាលការពារព្រំដែន លេខ៦០៩ នៃស្នងការដ្ឋាននគបាលខេត្តស្វាយរៀងមានទីលំនៅភូមិអូក្អាម ឃុំសំបួរស្រុកស្វាយទាបរបួសក្បាលផុងលលាដ៌ធ្ងន់ធ្ងរ ស្លាប់ពេលបញ្ជូនដល់មន្ទីរពេទ្យខេត្តស្វាយរៀង រីឯភាគីម្ខាងទៀតឈ្មោះវ៉ា វណ្ណាលីន ភេទស្រី អាយុ៣៥ឆ្នាំ ជាកម្មការនីរោងចក្រ មានទីលំនៅភូមិស្វាយ សង្កាត់ចេក ក្រុងស្វាយរៀង របួសក្បាលធ្ងន់ធ្ងរនិងបាក់ជើងខាងស្តាំ សន្លប់នៅនិងកន្លែង។ប្រភពសមត្ថកិច្ចបន្តទៀតថាមុនពេលកើតហេតុ គេឃើញស្រ្តីរងគ្រោះជិះម៉ូតូចេញពីធ្វើការតាមផ្លូវជាតិលេខ១ ពីលិចមកកើតលុះមកដល់ចំណុចច្រមុះជ្រូករូបសឹង្ហ ក៏បត់ឆ្វេងចូលមកផ្លូវលេខ១ចាស់ស្របពេលនោះ ក៏មានម៉ូតូមួយគ្រឿងទៀតបើកបរដោយលោកវរៈសេនីយ៍ត្រី សូសាកៀង អនុវរៈនគបាលការពារព្រំដែនលេខ៦០៩ បើកម៉ូតូ ពីទឹសខាងលិចទៅកើត បញ្ច្រាស់ទឹសគ្នា យ៉ាងលឿនក៏ជ្រុលទៅបុកគ្នាពេញទំហ៊ឹងបណ្តាលឲ្យដួលម៉ូតូខ្ទាតមនុស្សបោកទៅបុកឃឿនចិញ្ចើមថ្នល់បណ្តាលឲ្យរបួសក្បាលផុងលលាដ៌ធ្ងន់ធ្ងរបានស្លាប់ពេលបញ្ជូនទៅដល់មន្ទីរពេទ្យខេត្ត សមត្ថកិច្ថប្រគល់ឲ្យក្រុមគ្រួសារទៅធ្វើបុណ្យតាមប្រពៃណី រីឯភាគីស្ត្រី រងគ្រោះក្រុមគ្រួសារបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញ។ករណីទី២កើតឡើងនៅវេលាម៉ោង៤និង៣០នាទីដែរនៅ លើកំណាត់ផ្លូវជាតិលេខ១ខាងមុខក្លោងទ្វាវត្តបន្ទាយ ស្ថិតនៅភូមិបន្ទាយឃុំកណ្តៀងរាយស្រុកស្វាយទាបបណ្តាលឲ្យរបួសធ្ងន់ធ្ងរទាំងសងខាង បាក់ជើងបែកក្បាលធ្ងន់ធ្ងរទាំងបីនាក់។បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញស្រ្តីម្នាក់ជិះម៉ូតូឌប់កូនតូចពីក្រោយម្នាក់លុះមកដល់ខាងមុខក្លោងទ្វាវត្តបន្ទាយ ទំនងជាខូចម៉ូតូ ក៏ទល់ម៉ូតូទុកនៅលើចិញ្ចើមថ្នល់រួចដឹកដៃកូនរត់ឆ្លងថ្នល់ពីជើងទៅត្បូងខ្វះការប្រុងប្រយត្ន័ស្របពេលនោះក៏មានម៉ូតូ១គ្រឿងបើកបរដោយឈ្មោះសុខសុជាតិភេទប្រុសអាយុ១៧ឆ្នាំ ជាសិស្សថុនាក់ទី០៩ អនុវិទ្យាល័យហ៊ុនសែនស្វាយតាយាន នៅភូមិស្វាយតាយាន ឃុំស្វាយតាយានស្រុកកំពង់រោទ៌ បុកចំពាក់កណ្តាលខ្លួនពេញទំហឹង បណ្តាលឲ្យស្រ្តីរងគ្រោះដួលបោកទៅលើថ្នល់ជាតិបែកក្បាល និងបាក់ភ្លៅខាងឆ្វេងសន្លប់នៅនិងកន្លែង រីឯកូបប្រុសអាយុ៥ឆ្នាំរបួសបែកក្បាលធ្ងន់ធ្ងរ។ចំណែកយុវសិស្សបង្កដួលម៉ូតូ បោកទៅលើថ្នល់បែកក្បាលនិងបាក់ជើងខាងស្តាំ សន្លប់នៅនិងកន្លែង ត្រូវសមត្ថកិច្ចបញ្ជូនមកមន្ទីរពេទ្យខេត្ត ៕
