ខេត្តកណ្តាល ៖ នគរបាលស្រុកកោះធំបានឃាត់ខ្លួនជនសង្ស័យជាមុខសញ្ញាជួញដូរថ្នាំញៀនយ៉ាងសកម្មម្នាក់ ដកហូតបានម្ស៉ៅក្រាមពណ៌ប្រភេទម៉ាទឹកកកចំនួ០៨កញ្ចប់ (ធំ០១,តូច ០៧) និងសម្ភារមួយប្រើប្រាស់មួយចំនួន កាលពីវេលាម៉ោង១៦និង៥០នាទី ថ្ងៃទី០៥ ខែមីនា ឆ្នាំ២០១៧ នៅចំណុចព្រៃជ្រែ ភូមិពោធិ៍មិត្ត ឃុំលើកដែក ស្រុកកោះធំ ខេត្តកណ្ដាល ។

សមត្ថកិច្ចបានឲ្យដឹងថា ជនសង្ស័យឈ្មោះ ហឿន ដា   ភេទប្រុស អាយុ ២៧ឆ្នាំ ជនជាតិខ្មែរ ទីលំនៅភូមិអន្លង់ស្លាត ឃុំលើកដែក ស្រុកកោះធំ ខេត្តកណ្តាល មុខរបរ នេសាទត្រី (ឃាត់ខ្លួន)។

កិច្ចបង្ក្រាបនេះដកហូតបានវត្ថុតាងរួមមាន៖

១-ក្រាមពណ៌សថ្លាសង្ស័យសារធាតុញៀន(ម៉ាទឹកកកIce) ចំនួ០៨កញ្ចប់(ធំ០១,តូច ០៧)។

២-ទូរសព្ទ័អុិនចុចពិលចំនួន០១គ្រឿង។

៣-ប្រាក់រៀលចំនួន១៤,០០០ រៀល។

សមត្ថកិច្ចឲ្យដឹងទៀតថា នៅម៉ោងកើតហេតុខាងលើ កម្លាំងសមត្ថកិច្ចជំនាញនគរបាលស្រុកកោះធំ បានចល័តល្បាតក្នុងភូមិសាស្ត្រខ្លួនគ្រប់គ្រង រហូតដល់ចំណុចឃុំលើកដែក ។ ពេលនោះបានទទួលព័ត៌មានពីពលរដ្ឋថាមានសកម្មភាពលក់ និង ចែកចាយគ្រឿងញៀនយ៉ាងសកម្មនៅចំណុចព្រៃជ្រែ ក្នុងភូមិពោធិ៍មិត្ត ឃុំលើកដែក ស្រុកកោះធំ ខេត្តកណ្ដាល ។

ក្រោយពីទទួលបានព័ត៌មានភ្លាមសមត្ថកិច្ចជំនាញ បានសហការជាមួយកម្លាំងនគរបាលប៉ុស្ដិ៍លើកដែក ចុះស្រាវជ្រាវរហូតដល់ចំណុចកើតហេតុខាងលើ  ក៏បានជួបមុខសញ្ញាសង្ស័យ ០១នាក់ឈ្មោះ ហឿន ដា ភេទប្រុស អាយុ ២៧ឆ្នាំ រួចបានសួរនាំជនសង្ស័យក៏បាននាំសមត្ថកិច្ចទៅចង្អុលបង្ហាញទីតាំងដែលខ្លួនលាក់ទុកគ្រឿងញៀនចំនួន ០៨កញ្ចប់(ធំ០១,តូច ០៧) ក្នុងព្រៃជ្រែតែម្ដង ។

នៅចំពោះមុខសមត្ថកិច្ច ជនសង្ស័យ ហឿន ដា បានសារភាពថា ថ្នាំញៀនចំនួន ០៨កញ្ចប់(ធំ ០១, តូច ០៧) ខាងលើនេះគឺពិតជារបស់ខ្លួនបានទិញយកមកទុកលក់ និងចែកចាយបន្តប្រាកដមែន ។

ជនសង្ស័យ ហឿន ដា និងវត្ថុតាងថ្នាំញៀន ត្រូវបានបញ្ជូនមកកាន់អធិការដ្ឋាននគរបាលស្រុកកោះធំ ដើម្បីសាកសួរចាត់ការបន្តតាមនីតិវិធី ៕ ស្អាងជ័យ