ខ្សែការពាររបស់ក្លិប Middlesbrough កីឡាករ Ben Gibson ត្រូវក្រុមខ្លាំងរបស់ អង់គ្លេស Man City ចាប់អារម្មណ៍ដែល គេជឿជាក់ថា ក្លិបមេឃខៀវ Man City ក្រោមការដឹកនាំរបស់លោក Pep Guardiola បានត្រៀមខ្លួនរួចជាស្រេចក្នុងការនាំយកកីឡាកររូបនេះមករួមក្រុមក្នុងតម្លៃខ្លួន២៥លានផោន ។

តាមតម្លៃខ្លួននៅក្នុងទីផ្សារបច្ចុប្បន្ន សម្រាប់កីឡាករខ្សែការពារដ៏រឹងមាំមួយនេះអាចនឹងតម្រូវឲ្យ Man City ចំណាយជាទឹកប្រាក់ប្រមាណជា២៥លានផោន។ លើសពីនេះរូបគេក៏នឹងត្រូវក្រុមជម្រើសជាតិអង់គ្លេសកោះហៅរូបគេដើម្បីជួយក្រុម ផងដែរ ។

សូមបញ្ជាក់ថា ក្លិបមេឃខៀវដែលកំពុង តែមានបញ្ហាខ្សែការពារដោយក្នុងនោះ ប្រធានក្រុមខ្សែការពារVincent Kompany បានអវត្តមានស្ទើរតែមួយរដូវកាលរួមជាមួយកីឡាករខ្សែការពារស្លាបឆ្វេងAleksandar Kolarov ផងដែរ។ សម្រាប់ពានរង្វាន់នៅលីកអង់គ្លេសគឺនៅសល់តែ១១សប្តាហ៍ទៀតប៉ុណ្ណោះនឹងចប់រដូវកាល ហើយក្រុម មេឃខៀវកំពុងឈរនៅលេខរៀងទី៣ដោយ ចាញ់ក្រុមកំពូលតារាងតោខៀវរហូតដល់ទៅ១១ពិន្ទុឯណោះ។ ដូច្នេះក្រុម Man City ពិបាកនឹងប្រជែងយកតំណែងជើងឯក នេះណាស់ ៕ ដេវីត