ភ្នំពេញ៖ បុរសមា្នក់បើករថយន្តមួយគ្រឿងម៉ាកសាំយ៉ុងងងុយមួយភាំងជ្រុលទៅបុកនិងគល់ស្ពានអាកាសស្ទឹងមានជ័យក្រឡាប់ ហេតុការណ៍នេះបានកើតឡើងកាលពីវេលាម៉ោង៤ ទៀបភ្លឺ ថ្ងៃទី២០ ខែសីហា ឆ្នាំ២០១៥ នៅត្រង់គល់ស្ពានអាកាសស្ទឹងមានជ័យ ស្ថិតក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ ។
បើតាមប្រភពព័ត៌មានឲ្យដឹងថា មុនពេលកើតហេតុគេឃើញបុរសម្នាក់រថយន្តមួយគ្រឿងម៉ាកសាំយ៉ុង ពណ៌ស ពាក់ស្លាកលេខភ្នំពេញ 2R-3090 ក្នុងល្បឿនលឿនហើយក៏បានងងុយមួយភាំងក៏បានជ្រុលទៅបុកនិងគល់ស្ពានអាកាសស្ទឹងមានជ័យ បណ្តាលឲ្យខូចខាតដុំថ្មគល់ស្ពានអស់ចំនួន២កង់ និងរថយន្តក្រឡាប់២ត្រឡប់ តែសំណាងល្អមិនបណ្តាលឲ្យ អ្នកបើកបររងរបួសនោះទេ គ្រាន់តែខូចខាតរថយន្ត ។
ក្រោយកើតហេតុរថយន្តបង្កនិងអ្នកបើកបរ ត្រូវបានសមត្ថកិច្ចបញ្ជូនទៅការិយាល័យនគរបាលចរាចរណ៍ផ្លូវគោក រង់ចាំធ្វើការដោះស្រាយតាមច្បាប់ ៕
...
ដោយ៖ ស រស្មី
