ខ្សែប្រយុទ្ធឆ្នើមសញ្ជាតិបារាំងកីឡាករ Antoine Griezmann របស់ក្រុម Atletico Madrid បានបង្ហើបថា ខ្លួនអាចនឹងផ្ទេរទៅ លេងឲ្យក្រុម Real Madrid, Barcelona ឬ Bayern Munich នាពេលអនាគត ប៉ុន្តែមិន មែនឆាប់ៗនេះទេ ។

កីឡាករជម្រើសជាតិបារាំងរូបនេះធ្លាប់មានពាក្យចចាមអារ៉ាមជាច្រើនថា រូបគេ អាចនឹងចាកចេញពីក្លិប Atletico Madrid នៅចប់រដូវកាលនេះ ខណៈដែលក្លិបបិសាច ក្រហម Manchester United កំពុងចង់បានរូបគេខ្លាំងដោយគ្រោងចំណាយប្រាក់ច្រើន លើសលប់ទៀតផង។ យ៉ាងណាក្ដីក្លិប Man Utd អាចមិនមែនជាក្តីស្រមៃរបស់ Griezmann នោះទេ ព្រោះកីឡាករវ័យ២៥ ឆ្នាំរូបនេះចង់លេងឲ្យក្លិបធំៗដូចជា Real Madrid, Barcelona ឬ Bayern Munich ជាដើម ។

កីឡាករ Antoine Griezmann បាន និយាយថា “តើខ្ញុំអាចទៅលេងឲ្យក្រុម Real Madrid ឬ Barcelona នាពេល អនាគតបានទេ? ហេតុអ្វីមិនអាច? វាជាក្តី ស្រមៃរបស់កីឡាករគ្រប់រូបដែលបានលេងឲ្យក្លិបធំដូចជាក្លិប២នេះ ឬ Bayern Munich។ ប៉ុន្តែខ្ញុំមិនអាចទៅ Barcelona ឬ Real Madrid ឬក៏ក្លិបណាផ្សេងនាពេលនេះទេ។ ខ្ញុំរីករាយ ដែលបានលេងឲ្យ Atletico Madrid របស់ អេស្ប៉ាញនាពេលនេះ” ។

គួរបញ្ជាក់ថា កាលពីព្រឹត្តិការណ៍យូរ៉ូ ឆ្នាំ២០១៤ កីឡារខ្សែប្រយុទ្ធ Antoine Griezmann បានបង្ហាញភាពល្បីល្បាញដោយកីឡាកររូបនេះទទួលបានស្បែកជើងមាស ហើយក្រុមជម្រើសជាតិបារាំងបានក្លាយជាជើងឯករង បន្ទាប់ពីចាញ់ក្រុម ជម្រើសជាតិព័រទុយហ្គាល់ក្នុងម៉ោងបន្ថែម៕ ដេវីត