ខេត្តកណ្តាល ៖ មានករណីគ្រោះថ្នាក់ចរាចរមួយបានកើតឡើង ដោយសារអ្នកបើករថយន្តឡិចស៊ីសបើកបរក្នុងស្ថានភាពស្រវឹងបានបុកបង្គោលភ្លើងបណ្តាលឲ្យមនុស្ស៥នាក់ស្លាប់និងរងរបួស ។ ហេតុការណ៍នេះបានកើតឡើងនៅវេលាម៉ោង២២និង៥០នាទី ថ្ងៃទី២៩ ខែមីនា ឆ្នាំ២០១៧ ក្នុងភូមិសាស្រ្ត ភូមិកោគរ ឃុំរកាខ្ពស់ ស្រុកស្អាង ខេត្តកណ្តាល ។
សាក្សីឃើញហេតុការណ៍នេះបានឲ្យដឹងថា គេឃើញរថយន្តឡិចស៊ីស១គ្រឿង ពណ៌ស ពាក់ស្លាកលេខ2AN 1856ភ្នំពេញ បើកបរដោយបុរសម្នាក់ និងមានអ្នករួមដំណើរ៤នាក់ទៀត បាន ចាកចេញពីហាងផឹកស៊ីមួយកន្លែង នៅក្នុងក្រុងតាខ្មៅ ក្នុងស្ថានភាពស្រវឹង ។ លុះបើកមកដល់ ចំណុចកើតហេតុបានបុកនឹងបង្គោលភ្លើងយ៉ាងពេញទំហឹង បណ្តាលឲ្យរថយន្តក្រឡាប់ និង បង្កឲ្យមនុស្ស៣នាក់ស្លាប់ភ្លាមៗនៅនឹងកន្លែងកើតហេតុ និងស្លាប់ម្នាក់នៅមន្ទីរពេទ្យ និងម្នាក់ ទៀតរងរបួសស្រាល ។
សមត្ថកិច្ចជំនាញចុះទៅអន្តរាមន៍នៅកន្លែងកើតហេតុបានឲ្យដឹងថា ជនរងគ្រោះទី១-ឈ្មោះ ញាញ់់ ភេទប្រុស អាយុ២៨ឆ្នាំ ជាអ្នកបើកបររថយន្ត (ស្លាប់) ទី២-ឈ្មោះគង់ សុភ័ក្រ ភេទប្រុសអាយុ៣២ឆ្នាំ មានទីលំនៅភូមិព្រែកខ្សេវ ឃុំរកាខ្ពស់ មុខរបរលក់កាហ្វេ (ស្លាប់កន្លែងកើតហេតុ) ទី៣-ឈ្មោះ ភិន សុភាស់ ភេទប្រុស អាយុ២៨ឆ្នាំ ទីលំនៅភូមិលេខ៥ ឃុំស្វាយរលំ ស្រុកស្អាងខេត្តកណ្តាល (ស្លាប់នៅកន្លែងកើតហេតុ) ទី៤-ឈ្មោះហ៊ាង ភេទប្រុស អាយុ២៧ឆ្នាំ ទីលំភូមិព្រែកឡុង ឃុំរកាខ្ពស់ ស្រុកស្អាង ខេត្តកណ្តាល (ស្លាប់នៅកន្លែងកើតហេតុ) និងទី៥- ឈ្មោះពៅ ធ ភេទប្រុស អាយុ២៨ឆ្នាំ ទីលំភូមិព្រែកព្រីង ឃុំសិត្បូ ស្រុកស្អាង ខេត្តកណ្តាល (រងរបួសស្រាល) ៕ ស្អាងជ័យ
