ខេត្តរតនគិរី៖ បុរសម្នាក់ស្រវឹងស្រាជោគជាំជិះម៉ូតូទៅបុកនិងគោយន្តកន្ត្រៃពីក្រោយបណ្តាលឲ្យស្លាប់់ភ្លាមៗនៅនិងកន្លែងកើតហេតុអ្នកបើកបរគោយន្តកន្ត្រៃបានរត់គេចខ្លួនបាត់ ។

ហេតុការណ៍នេះបានកើតឡើងកាលពីវេលាម៉ោង៦នឹង៥៥នាទីល្ងាចថ្ងៃទី២៣ ខែកញ្ញា ឆ្នាំ២០១៥ លើផ្លូវជាតិ៧៨ ស្ថិតនៅភូមិ៣ ឃុំត្រពាំងច្រេស ស្រុកកូនមុំ ។

យោងតាមរបាយការណ៍កងរាជអាវុធហត្ថស្រុកកូនមុំបានឲ្យដឹងថា ករណីគ្រោះថ្នាក់ចរាចរណ៍នេះបង្កឡើងដោយម៉ូតូម៉ាក អិចសុិនធើ ពណ៏ខ្មៅអត់ស្លាកលេខបើកបរដោយឈ្មោះហុី រ័ត្ន ភេទប្រុសអាយុ២១ឆ្នាំជនជាតិខ្មែរ រស់នៅភូមិ-ឃុំកើតហេតុខាងលើ ជិះទៅបុកគោយន្តកន្ត្រៃពីក្រោយពេញទំហឹងបណ្តាលឲ្យស្លាប់ភ្លាមៗនៅនឹងកន្លែងតែម្តង ។

បើតាមសាក្សីកន្លែងកើតហេតុបានឲ្យដឹងថា គោយន្តកន្ត្រៃបើកបរចេញពីចំការឡើងផ្លូវលេខ៧៨ទៅលំនៅដ្ឋានទិសដៅពីលិចមកកើតស្រាប់តែមានម៉ូតូមួយគ្រឿងជិះមកតាមក្រោយក្នុងល្បឿនយ៉ាងលឿនស្ថិតក្នុងស្ថានភាពស្រវឹងជោគជាំផងនោះ ហើយបានរេពេញផ្លូវក៍ទៅបុកនឹងគោយន្តពីក្រោយពេញទំហឹងផុងលលាក្បាលបណ្តាលឲ្យស្លាប់ភ្លាមៗនិងកន្លែងកើតហេតុ ។

បន្ទាប់មកមាននគបាលចរាចណ៍ផ្លូវគោគស្រុកកូនមុំធ្វើការវាស់វែងយកវត្ថុតាំងទាំងពីរទៅរក្សារទុកនៅអធិការដ្ឋាន នគបាលស្រុកកូនមុំ រងចាំធ្វើការដោះស្រាយតាមផ្លូវច្បាប់ ។

ប្រភពបន្តទៀតថាបន្ទាប់ពីកើតហេតុជនរងគ្រោះបានស្លាប់ភ្លាមៗប៉ុន្តែពេលឪពុកម្តាយមកដល់ឃើញកូនស្លាប់ស្រស់ៗពេកក៏បង្ខំឲ្យសមត្ថកិច្ចជួយបញ្ជូនជនរងគ្រោះទៅសង្គ្រោះនៅមណ្ឌលសុខភាពស្រុកកូនមុំ តែអកុសល្យជនរងគ្រោះត្រូវពេទ្យបានប្រាប់ថាស្លាប់បាត់ទៅហើយ ។ចំណែកអ្នកបើកគោយន្តកន្ត្រៃនោះបានរត់គេចខ្លួនបាត់ពុំទាន់ស្គាល់អត្តសញ្ញាណនៅឡើយសមត្ថកិច្ចកំពុងធ្វើការស្រាវជ្រាវតាមរកចាត់ការតាមច្បាប់ចរាចរណ៍បន្តទៀត ៕

ដោយ៖ អ៊ុចសាវុទ្ធ