ភ្នំពេញ៖ នគរបាលខណ្ឌសែនសុខបញ្ជួនខ្លួនជនសង្ស័យចំនួន០៣ក្នុងករណី២ផ្សេងគ្នាទៅសាលាដំបូងរាជធានីភ្នំពេញក្រោយពីសាកសួររួចកាលពីព្រឹកថ្ងៃទី២៤ខែកញ្ញាឆ្នាំ២០១៥ វេលាម៉ោង០៨និង៣០នាទី ។

ជនសង្ស័យឈ្មោះសេង គឹមហៃ ភេទប្រុស អាយុ17ឆ្នាំមុខសិស្សស្នាក់នៅសង្កាត់បឹងកក់1 ខណ្ឌទួលគោក ជាប់ចោទពីបទឆក់កាបូបរបស់ស្ត្រីម្នាក់នៅផ្លូវឧញ្ញាប៉ុងរិទ្ធី ភូមិបាយ៉ាប សង្កាត់ភ្នំពេញថ្មី ខណ្ឌសែនសុខកាលពីម៉ោង19និង15នាទីថ្ងៃទី21កញ្ញា2015 ។

ជនសង្ស័យទី១ឈ្មោះឈាង វ៉ាន់ណន ភេទប្រុស អាយុ១៨ឆ្នាំមុខរបរមិនពិតប្រាកដស្នាក់នៅភូមិគោកចំប៉ក់ សង្កាត់ចោមចៅ ខណ្ឌពោធិ៍សែនជ័យ និងទី២ឈ្មោះ ឈាង វណ្ណា ភេទប្រុស អាយុ១៩ឆ្នាំមុខរបរមិនពិតប្រាកដស្នាក់នៅភូមិគោកចំប៉ក់ សង្កាត់ចោមចៅ ខណ្ឌពោធិ៍សែនជ័យ ទាំង២នាក់បងប្អូនបង្កើតជាប់ចោទពីបទបើកទ្វាររថយន្តលួចយកកាបូបលុយនៅចំណុចផ្លូវបេតុ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ឃាត់ខ្លួនកាលពីម៉ោង19និង30នាទីយប់ថ្ងៃទី21កញ្ញា2015 កន្លងមក ។

បច្ចុប្បន្នជនសង្ស័យទាំង3នាក់ត្រូវបានបញ្ជួនខ្លួនទៅកាន់សាលាដំបូងរាជធានីភ្នំពេញដើម្បីចាត់ការតាមនិតិវិធីច្បាប់ ៕

ដោយ៖ តុង សីហា