ខេត្តស្វាយរៀង៖ បុរសជនជាតិវៀតណាមម្នាក់បានស្លាប់ភ្លាមៗនិងកន្លែងខណះដែលកំពុងជិះម៉ូតូលើកំណាត់ផ្លូវជាតិលេខ១ត្រូវបានបុរសម្នាក់ទៀតជិះម៉ូតូបត់ឆ្វេងមិនប្រុងប្រយត្ន័បណ្ដាលអោយបុកគ្នាយ៉ាងពេញទំហឹង កាលពីវេលាម៉ោង៦និង៤០នាទីព្រឹកថ្ងៃទី២៥ ខែកញ្ញា ឆ្នាំ២០១៥ ស្ថិតនៅចំណុចភូមិតាបឹប សង្កាត់បាវិត ក្រុងបាវិត ខេត្តស្វាយរៀង ។
សមត្ថកិច្ចនគបាលបានប្រាប់ថា បុរសដែលស្លាប់មាន ឈ្មោះ ទ្រឹង មិនភុក អាយុ១៦ឆ្នាំ ជនជាតិវៀតណាម មានទីលំនៅភូមិប៊ិនឡុង ឃុំប៊ិនភូ ស្រុកកីឡី ខេត្តទៀងយ៉ាង ប្រទេសវៀតណាម ដោយបើកបរម៉ូតូម៉ាកស៊ុយសូគី ស្មាក់រ៉េវូ ពណ៌ស ពាក់ស្លាកលេខ ៦៣-B២-២៥១៣៣ ខូចខាតយ៉ាងដំណំ ។
រីឯភាគីបង្កហេតុ បើកបរដោយឈ្មោះ ជា ជឿន អាយុ៣៥ឆ្នាំ មុខរបរកម្មរសំណង់ មានទីលំនៅភូមិអង្គក្ដួច ឃុំព្រៃគគីរ ស្រុកចន្ទ្រា ខេត្តស្វាយរៀង ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខស្វាយរៀង ១G២៣៧២ ខូចខាតស្ទើទាំងស្រុង ។
សមត្ថកិច្ចនគបាលបន្តថា មូលហេតុដែលបង្កអោយមានករណីគ្រោះថ្នាក់នេះកើតឡើងដោយសារភាគីម៉ូតូហុងដាសេ១២៥បត់ឆ្វេងខ្វះការប្រុងប្រយ័ត្ន ៕
ដោយ៖ យឹម សុថាន
