ភ្នំពេញ៖ កាលពីវេលាម៉ោង១០នឹង០០នាទី ស្ថិតនៅក្នុងផ្លូវលំ ភូមិកំរៀង សង្កាត់ព្រៃវែង ខណ្ឌដង្កោកម្លាំងមានសមត្ថកិច្ចបានជិះល្បាតក្នុងមូលដ្ឋានបានជួបប្រទះក្មេងទំនើងចំនួន៥នាក់និងមានការសង្ស័យដែលជិះម៉ូតូបិទស្កត់ខ្មៅនឹងស្លាកលេខ
ទើបធ្វើការឃាត់ខ្លួន ។

ប្រភពព័ត៌មានពីសមត្ថកិច្ចបានអោយដឹងថា ខណៈកម្លាំងសមមត្ថកិច្ចកំពុងចុះល្បាត ក៏បានជួបជាមួយក្រុមក្មេងទំនើងមួយក្រុមចំនួន៥នាក់ដែលជិះម៉ូតូបិទសុទ្ធតែស្កត់ខ្មៅនៅនឹងស្លាកលេខ រួមជាមួយនឹងសម្លៀកបំពាក់ពណ៌ខ្មៅថែមទៀត ។ ឃើញសភាពមិនស្រួលកម្លាំសមត្ថកិច្ចបានធ្វើការឃាត់ខ្លួននឹងយកម៉ូតូរួមជាមួយនឹងម្ចាស់ម៉ូតូមកសាកសួរនាំនៅអធិការដ្ឋានខណ្ឌដង្កោ ។

បន្ទាប់ពីការសាកសួររួចមកខាងសមត្ថកិច្ចបានបញ្ជាក់ប្រាប់ថា  មូលហេតុដែលពួកគេបិទស្កត់ខ្មៅព្រោះដោយសារតែម៉ូតូនេះជាម៉ូតូ របស់បងប្រុសរបស់គេ ហើយបងប្រុសគេតែងតែមានរឿងជារឿយៗជាមួយនិងគេ ដោយខ្លាចអ្នកមានរឿងជាមួយបងប្រុសរបស់ខ្លួន មកវៃទើបគេបិទស្កត់ខ្មៅ ។ ក្រុមក្មេងទំនើងដែលឃាត់ខ្លួនទាំងនោះមាន ទី១.ឈ្មោះ ឈុន សេងហុង ភេទប្រុស អាយុ១៥ឆ្នាំ ទី២ ឈ្មោះ គន់ បូរ៉ា ភេទប្រុស អាយុ១៧ឆ្នាំ ទី៣ ឈ្មោះ អោ ពិសិដ្ឋ ភេទស្រី អាយុ១៦ឆ្នាំ  ទី៤ ឈ្មោះ សាម៉ន លឹមហុង ភេទប្រុស អាយុ១៥ឆ្នាំ ទី៥ឈ្មោះ សំ សុផានិត ភេទប្រុសអាយុ១៦ឆ្នាំ ។ កម្លាំងសមត្ថកិច្ចខណ្ឌដង្កោបានដកហូតម៉ូតូចំនួន២គ្រឿង ម៉ាកSUZUKI LET’S ពណ៌ខ្មៅលាយក្រហម ពាក់ស្លាកលេខភ្នំពេញ 1DC-4788
និងមួយគ្រឿងទៀតម៉ាក SUZUKI NEX ពណ៌ស ពាក់ស្លាកលេខភ្នំពេញ 1DG-6764 ។

គួរបញ្ជាក់ផងដែរថាក្រុមក្មេងទាំងនេះសុទ្ធតែជាសិស្សសាលាវិទ្យាល័យពងទឹករៀនថ្នាក់ទី១០ ហើយពួកគេរស់នៅ ភូមិបុរីសន្ដិភាព២ សង្កាត់ចោមចៅ ខណ្ឌពោធិ៍សែនជ័យ ។ បច្ចុប្បន្នក្រុមក្មេងទាំងនេះត្រូវបានឃាត់ខ្លួនដើម្បីសាកសួរនាំនៅ អធិការខណ្ឌដង្កោ ៕

ដោយ៖ ភារ៉ា ដង្កោ