ក្រុម Bayern Munich បានឈ្នះជើងឯក អាល្លឺម៉ង់ Bundesliga សម្រាប់រដូវកាល ឆ្នាំ២០១៦-២០១៧ នេះក្រោយពីពួកគេ សំពងក្រុម Wolfsburg ដោយលទ្ធផល 6-0 កាលពីសប្តាហ៍មុន ។

បន្ទាប់ពីទទួលបាន៣ពិន្ទុបន្ថែមពីក្រុម Wolfsburg ក្រុម Bayern Munich ដែលដឹកនាំដោយគ្រូបង្វឹកសញ្ជាតិអុីតាលី Carlo Ancelotti មាន៧៣ពិន្ទុ ដាច់ក្រុមលេខ២ RB Leipzig ចំនួន១០ពិន្ទុ ខណៈនៅលីកអាល្លឺម៉ង់សល់តែ៣ប្រកួតប៉ុណ្ណោះនឹង បញ្ចប់រដូវកាលហើយ ដូច្នេះវាធ្វើឲ្យ Bayern Munich ក្លាយជាជើងឯកតែម្ដង ។

អ្វីដែលគួរឲ្យចាប់អារម្មណ៍ខ្លាំងនោះគឺ Bayern Munich ឈ្នះជើងឯកកំពូលរបស់អាល្លឺម៉ង់ចំនួន៥សម័យជាប់ៗគ្នា ហើយវាក៏ជាលើកទី២៧នៅក្នុងប្រវត្តិសាស្រ្តរបស់ក្លិបទាំងមូល។

សម្រាប់លោកCarlo Ancelotti នេះគឺ ជាពានរង្វាន់លីកកំពូលទី៤ ដែលគាត់បានឈ្នះដោយធ្លាប់ដឹកនាំក្រុមAC Milan ឈ្នះ ជើងឯកអុីតាលី Serie A ជួយក្រុមChelseaឈ្នះជើងឯកអង់គ្លេស Premier League និងឈ្នះជើងឯកបារាំង League 1 ជាមួយ នឹងក្រុម Paris St-Germain ៕ ដេវីត