ភ្នំពេញ៖ ជនសង្ស័យម្នាក់ក្នុងចំណោម២នាក់ជាមុខសញ្ញាប្លន់ប្រដាប់អាវុធ ត្រូវបានកម្លាំងប៉ុស្តិ៍ទួលស្វាយព្រៃ១ ឃាត់ខ្លួន។ ហេតុការណ៍ឃាត់នេះ ធ្វើឡើងកាលពីវេលាម៉ោង១០ព្រឹក នាថ្ងៃទី២៥ ខែកញ្ញា ឆ្នាំ២០១៥ នៅចំណុចផ្ទះជួលគ្មានលេខ មួយកន្លែង ផ្លូវវេងស្រេង ភូមិថ្មគោល១ សង្កាត់ចោមចៅ ខណ្ឌពោធិសែនជ័យ ។

ជនសង្ស័យមានឈ្មោះ ស៊ូ សុភ័ក្រ ភេទប្រុស អាយុ៣២ឆ្នាំ ស្នាក់នៅផ្ទះជួលគ្មានលេខ មួយកន្លែង ផ្លូវវេងស្រេង ភូមិថ្មគោល១ សង្កាត់ចោមចៅ ខណ្ឌពោធិ៍សែនជ័យ និងមុខរបរមិនពិតប្រាកដ។ ចំណែកជនរងគ្រោះ មានឈ្មោះ ណាត ណេត ភេទប្រុសអាយុ២២ឆ្នាំ ស្នាក់នៅផ្ទះជួល ម្ដុំបឹងទំពុន សង្កាត់បឹងទំពុនខណ្ឌមានជ័យ។ ម៉ូតូដែលត្រូវក្រុមចោលប្លន់នោះម៉ាកហុងដាសេ១២៥ ពណ៌ខ្មៅ សេរីឆ្នាំ២០០៨ ឡើងតែមឆ្នាំ២០១៣ ពាក់ស្លាក់លេខភ្នំពេញ 1BQ-9078 ។

បើតាមប្រភពព័ត៌មានពីលោក ពៅ ពិដោរ នាយប៉ុស្តិ៍ទួលស្វាយព្រៃ១ បានប្រាប់អោយដឹងថា ក្រោយពីទទួលបានពាក្យបណ្ដឹងពីរងគ្រោះ កាលពីវេលាម៉ោង០៧យប់ ថ្ងៃទី១៣ ខែកញ្ញា ឆ្នាំ២០១៥ កន្លងមកនេះ នៅចំណុចដែលក្រុមជនសង្ស័យធ្វើសកម្មភាពនៅតាមបណ្ដោយផ្លូវ១៩៣ កែងនិងផ្លូវ៣១០ ក្នុងសង្កាត់ទួលស្វាយព្រៃ១ខណ្ឌចំការមន ដូច្នេះត្រូវបានកម្លាំងរបស់លោក សហការជាមួយនិងកម្លាំងព្រហ្មទណ្ឌខណ្ឌចំការមន បានធ្វើការស្រាវជ្រាវ យ៉ាងយកចិត្តទុកដាក់ និងឈានទៅ ឃាត់ខ្លួនជនសង្ស័យម្នាក់ ដែលជាមុខសញ្ញា ប្លន់ប្រដាប់អាវុធយ៉ាងសកម្មភាព ពេលយប់ក្នុងរាជធានីភ្នំពេញ ។

បច្ចុប្បន្នជនសង្ស័យ ត្រូវបានសមត្ថកិច្ចនាំយកមកឃុំខ្លួនបណ្ដោះអាសន្ននៅអធិការដ្ឋាននគរបាល ខណ្ឌចំការមន ដើម្បីសាកសួរនិងកសាងសំណុំរឿងបញ្ជូនខ្លួន ទៅសាលាដំបូងរាជធានីភ្នំពេញ ចាត់ការតាមនីតិវីធីច្បាប់៕ បច្ចុប្បន្នសមត្ថកិច្ច​​បាន​​និង​កំពុង​​ធ្វើការ​ស្រាវជ្រាវ​ជា​បន្ត​ទៀត ​ដើម្បី​តាម​​​ប្រមាញ់​​​បក្ខ​ពួក​ដែល​នៅ​សេសសល់​មួយ​ចំនួន​ទៀត ៕

ដោយ៖ សរ រស្មី