ភ្នំពេញ៖ បុរសម្នាក់ជិះម៉ូតូមួយគ្រឿងក្នុងស្ថានភាពស្រវឹងស្រាជោគជាំបានជិះម៉ូតូចេញពីកន្លែងផឹកស៊ីបានដួលកណ្ដាលផ្លូវដោយងើបមិនរួចក៏ដេកតែម្តងធ្វើអោយមានការភ្ញាក់ផ្អើលដល់ប្រជាពលរដ្ឋស្មានថាស្លាប់ ។

ហេតុការណ៍នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី២៥ ខែកញ្ញា ឆ្នាំ២០១៥ស្ថិតនៅតាមបណ្ដោយផ្លូវជាតិលេខ៣ទល់មុខហាងបៀរហ្គ្រាដេនSTសំលាញ់ ក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ ។

តាមប្រភពព័ត៌មានពីសន្តិសុខដែលធ្វើការយាមនៅហាងកើតហេតុខាងលើសុំមិនបព្ចោញឈ្មោះបានអោយដឹងថា នៅមុនពេលកើតហេតុជនរងគ្រោះបានជិះម៉ូតួម៉ាកស៊ុយសុគីស្មាក់ រ៉េវ៉ូវ ពណ៌ខ្មៅ ពាក់ស្លាកលេខ1W-2238 មកផឹកសីុហាងខាងលើជាមួយមិត្តភ័ក្ត្រប្រហែល៥-៦នាក់។

លុះមួយសន្ទុះក្រោយមកជនរងគ្រោះនឹងមិត្តភ័ក្ត្របានវិលត្រឡប់ទៅផ្ទះវិញ។ ស្រាប់តែជនរងគ្រោះជិះម៉ូតូដួលនៅកណ្ដាលផ្លូវម្នាក់ឯងដោយស្រវឹងខ្លាំងពេកងើបមិនរួចក៏ដេកនៅកណ្តាលផ្កូវតែម្តងទើបបង្កអោយមានការភ្ញាក់ផ្អើកដល់ប្រជាពលរដ្ឋហៅរថយន្តសង្គ្រោះមកទទួល ។ប៉ុន្តែក្រោយពីធ្វើចរលនាហើយជនរងគ្រោះដឹងខ្លួនវិញ ក៏ត្រូវបានមិត្តភ័ក្ត្រដែលដឹងថាផឹកសីុជាមួយយកទៅផ្ទះវិញដោយខ្លួនឯង ៕

ដោយ៖ សុខា សែនជ័យ