ខេត្តពោធិ៍សាត់៖ សេចក្តីរាយការណ៍ពីប្រជាពលរដ្ឋនៅចំណុចត្រពងពង់ ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់បានឲ្យដឹងថា គេឃើញក្រុមមន្រ្តីបរិស្ថានចាប់រថយន្តដំរីទឹកដឹកឈើ ១ដើមធំ រួមទាំងវត្ថុតាងផ្សេងៗដូចជារណាយន្តសំរាប់អារច្រៀកឈើជាដើម ប៉ុន្តែការចាប់រថយន្តខាងលើហាក់បីជានៅមានអាថ៌កម្បាំងច្រើន ខណៈគេដឹងថាតំបន់នោះពោធិ៍ពេញទៅបទល្មើសកាប់អារច្រៀក និងដឹកជញ្ជូនឈើគ្រប់ប្រភេទ។

ប្រភពរាយការណ៍ខាងលើបន្តថាការចាប់រថយន្តដំរីទឹកដឹកឈើ ១ដើមធំនេះ នៅចំណុចក្នុងព្រៃខណៈដែលរថយន្តកំពុងដឹងឈើគេបើកត្រឡប់ចេញពីព្រៃ លុះមកដល់ចំណុចត្រពងពង់ ស្ថិតក្នុងស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ក៍ត្រូវក្រុមការងារមន្រ្តីបរិស្ថាននៅទីនោះចាប់ឃាត់ទុកតែម្តង ហើយរថយន្តដំរីទឹកដឹកឈើនោះ ជាប្រភេទឈើហុបដែលគេអារឡាំងជា ៨ជ្រុង ឈើ(រាជកុល) ចំនួន ០១ដើម មុខកាត់អង្កត់ផ្ចិតទំហំ ០,៧០ម៉ែត្រ មានប្រវែង ១០ម៉ែត្រ ស្មើរនឹងជាង ៥ម៉ែត្រត្រីគុណុ។