ខេត្តសៀមរាប ៖ ដើម្បីការពារថែរក្សាសន្តិសុខសុវត្ថិភាព និងសណ្តាប់ធ្នាប់សង្គមឲ្យបានល្អប្រសើរ កម្លាំងនគរបាល ខេត្តសៀមរាប បានចុះប្រមូលក្រុមក្មេងទំនើង ដែលដើរពាលារក្នុងពេលរាត្រី ដើម្បីយកទៅអប់រំធ្វើកិច្ចសន្យារួចឱ្យវិលត្រឡប់ទៅលំនៅដ្ឋានវិញ។

នគរបាលក្រុងខេត្តសៀមរាប បានប្រាប់ឱ្យដឹងថា នាយប់រំលងអាធ្រាត្រ ថ្ងៃទី២៦ ខែឧសភា ឆ្នាំ២០១៧ កំលាំងការិយាល័យព្រហ្មទណ្ឌកំរិតស្រាលបានសហការជាមួយកំលាំងអន្តរាគម៍ និងកំលាំងនគរបាល នៃអធិការដ្ឋានក្រុងសៀមរាប ព្រមទាំងប៉ុស្តិនគរបាលរដ្ឋបាលសង្កាត់ស្វាយដង្គុំបានធ្វើការឃាត់ខ្លួនពួកក្រុមក្មេងទំនើងតាមដងស្ទឹងសៀមរាប និងតាមម្តុំព្រះអង្គចេកព្រះអង្គចម ព្រមទាំងតាមសួច្បារក្នុងក្រុងសៀមរាប បានចំនួន ១០នាក់ ស្រីពីរនាក់ ប្រភេទទីបីពីរនាក់ ប្រុស ប្រាំមួយនាក់។

ក្នុងប្រតិបត្តិការនោះ ជាលទ្ធផលសមត្ថកិច្ចស្រាវជ្រាវ និងធ្វើតេស្តរកឃើញមាន ផ្ទុកសារធាតុញ្ញៀនចំនួន ៩នាក់ ស្រី ២នាក់ ប្រភេទទីបីម្នាក់ ក្នុងនោះប្រុស ៦នាក់។ ក្រុមក្មេងទំនើង ទាំង៩នាក់ ដែលមានផ្ទុកនូវសារធាតុញ្ញៀនកម្លាំងសមត្ថកិច្ចបានបញ្ជូនបន្តទៅអោយការិយាល័យជំនាញប្រឆាំងគ្រឿងញ្ញៀន នៃស្នងការដ្ឋាននគរបាលខេត្តដើម្បីអនុវត្ត្តនិតិវិធី។ ចំណែកប្រភេទទីបីម្នាក់ទៀតមិនមានសារធាតុញ្ញៀន និងបទល្មើសព្រហ្មទណ្ឌ ដូចនេៈកម្លាំងយើងបានធ្វើសាវតាក្មេងទំនើងនិងធ្វើការអប់រំអោយត្រឡប់ទៅផ្ទៈវិញផងដែរ។

បច្ចុប្បន្ន ក្រុមក្មេងទំនើងទាំង ៩នាក់ ដែលរកឃើញផ្ទុកសារធាតុញៀនក្នុងខ្លួន សមត្ថកិច្ចបានបញ្ជូនទៅកាន់ការិយាល័យជំនាញដើម្បីសាកសួរ និងបន្តនិតិវិធីតាមច្បាប់ ៕ ប៊ុន រិទ្ធី