ខេត្តកំពង់ធំ ៖ រថយន្តសាំយ៉ុងដឹកឈើប្រណិតមួយគ្រឿងត្រូវបានកម្លាំងនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកំពង់ធំ ធ្វើការបង្ក្រាបបានខណៈកំពុងធ្វើសកម្មភាពដឹកឈើប្រណិតចេញមកពីខេត្តព្រះវិហារឆ្លងកាត់ទឹកដីខេត្តកំពង់ធំ!ចំនុចភូមិថ្នល់បែក ឃុំត្រពាំងឬស្សី ស្រុកកំពង់ស្វាយ នៅរសៀលថ្ងៃទី៩ ខែមិថុនា ឆ្នាំ២០១៧។

លោកអនុសេនីយ៍ឯក យឹម សោភ័ណ្ឌ នាយរងផ្នែកការិយាល័យប្រឆាំងបទល្មើសនៃស្នងការនគរបាលខេត្តប្រាប់ថាដោយទទួលបានព័ត៍មានពីបណ្តាញសម្ងាត់ប្រាប់ថាមានរថយន្តប្រភេទសាំយ៉ុងពណ៍លឿងពាក់ស្លាកលេខ កំពង់ ចាម 2A-4612 កំពង់តែដឹកឈើប្រណិតចេញមកពីខេត្តព្រះវិហារឆ្លងកាត់ខេត្តកំពង់ធំនោះ លោកក៏បានសុំបទបញ្ជាពីលោក ឧត្តមសេនីយ៍ត្រី អ៊ុក កុសល់ ស្នងការនគរបាលខេត្ត ដឹកនាំកម្លាំងចំនួន៣នាក់ឃ្លាំមើលនៅចំនុចភូមិថ្នល់បែក ឃុំត្រពាំងឬស្សី ស្រុកកំពង់ស្វាយ នៅរសៀលថ្ងៃទី០៩ ខែមិថុនា ឆ្នាំ២០១៧ ក៏បានជួបនឹងរថយន្តដូចភិន ភាគខាងលើ កម្លាំងក៏បើករថយន្តតាមកាក់រហូតមកដល់ចំនុចខាងក្រោយផ្សារកំពង់ធំ ស្ថិតក្នុងសង្កាត់កំពង់ធំ ក្រុងស្ទឹងសែន តៃកុងរថយន្ដឃើញសភាពមិនស្រួលបានបើកទ្វារថយន្តចុះរត់គេចខ្លួនបាត់ ហើយសមត្ថកិច្ចក៏បាននាំយក រថយន្តល្មើសទៅកាន់ស្នងការដ្ឋាននគរបាលខេត្ត ដើម្បីចងក្រងសំនុំរឿងរួចប្រគល់ទៅឲ្យខាងរដ្ឋបាលព្រៃឈើរួមនឹងវត្ថុតាងមាន រថយន្ត និង ប្រណិតប្រភេទធ្នង់ចំនួន៤១ដុំ ដើម្បីឲ្យខាងជំនាញធ្វើការវាស់វែងនិងចាត់ការតាមផ្លូវច្បាប់ ៕  ប៊ុន រិទ្ធី