ភ្នំពេញ​ ៖​ ជនសង្ស័យ៣នាក់រួមទាំងថ្នាំញៀនមួយចំនួនត្រូវបានសមត្ថកិច្ចឃាត់ខ្លួនបន្ទាប់ពីជនសង្ស័យទាំងនោះបានយកម៉ូតូរបស់មិត្តភ័ក្តិទៅដូយកថ្នាំញៀនក្នុងតម្លៃ៣០០ដូល្លារ។

ហេតុការណ៍នេះបានកើតឡើងកាលពី វេលាម៉ោង១៤និង០០ នាទីរសៀលថ្ងៃទី០៩ ខែកក្តដា ឆ្នាំ២០១៧នៅចំណុចផ្ទះជួល ភូមិអាកាកូស
សង្កាត់ព្រៃស ខណ្ឌដង្កោរ រាជធានីភ្នំពេញ ។

ឈ្មោះជនសង្ស័យទី១ឈ្មោះ ឈិន ណាឡាង ហៅនី អាយុ៣១ឆ្នាំ ភេទប្រុស មុខរបរមិនពិត ស្នាក់នៅផ្ទះជួលភូមិ ដំណាក់ត្រយឹង សង្កាត់ចោមចៅ ខណ្ឌពោធិសែនជ័យ និងជាអ្នកយកម៉ូតូទៅដូរយកថ្នាំចំនួន៣០០ដុល្លា ដែលដកហូតបាន។

ទី២ឈ្មោះ ឡេង ណារិទ្ធ  ភេទប្រុសអាយុ៣៦ឆ្នាំមុខរបរកម្មកររោងចក្រ  ស្នាក់នៅផ្ទះជួលភូមិ ដំណាក់ត្រយឹង សង្កាត់ចោមចៅ ខណ្ឌពោធិសែនជ័យ ។
និងទី៣ឈ្មោះខន អឿន ភេទប្រុសអាយុ៣៦ឆ្នាំ មុខរបរមិនពិត ស្នាក់នៅផ្ទះជួលភូមិអាកាកូស សង្កាត់ព្រៃស ខណ្ឌដង្កោរ រាជធានីភ្នំពេញ។

ចំណែកជនរងគ្រោះឈ្មោះ  ណត សុភក្ត្រ័ ភេទប្រុសអាយុ២៥ ឆ្នាំ មុខរបរកម្មករោងចក្រ ជាម្ចាស់ម៉ូតូ Zoomer-X ពាក់ស្លាកលេខ=1FK-1808។
សមត្ថកិច្ចបានអោយដឹងថា​ ក្នុងការបង្ក្រាបនោះសមត្ថកិច្ចបានដកហូតម្សៅក្រាមពណ៍សថ្លាសង្ស័យជាសារធាតុញៀនចំនួន៨កញ្ចប់ក្នុងនោះមាន១កញ្ចប់ធំ។

សមត្ថកិច្ចបានបន្តថា​  មុនពេលកើតហេតុនៅថ្ងៃទី៨ កក្តដា២០១៧ ជនរងគ្រោះនិងជនសង្ស័យ ជាមនុស្សស្គាល់គ្នា នៅវេលាម៉ោង១២ថ្ងៃត្រង់ថ្ងៃទី៨ កក្តដាជនសង្ស័យបានខ្ចីម៉ូតូពីជនរងគ្រោះ ម៉ាក ស៊ូមមើ អ៊ិច ពាក់ស្លាកលេខភ្នំពេញ1FK-1808 ចេញពីផ្ទះជួលភូមិទួលពង្រ សង្កាត់ចោមចៅ ខណ្ឌពោធិ៍សេនជ័យ ថាទៅផ្សារនៅបុរីសន្តិភាព២ សង្កាត់ពងទឹក ខណ្ឌដង្កោរ ស្រាប់តែបាត់រហូត ដោយជនសង្ស័យឈ្មោះ ឈិន ណាឡាង យកទៅដូរយកថ្នាំញៀនមានតំលៃ៣០០ដុល្លារ នៅកន្លែងបាញ់ត្រីក្នុងផ្សា សូរិយាម៉ល ។ លុះមកដល់ថ្ងៃទី០៩ កក្តដា ២០១៧ ដោយជនរងគ្រោះដឹងថាជនសង្ស័យធ្លាប់ចេញចូលបន្ទប់ជួលឈ្មោះ ខន អឿន ក៏ទៅលួចមើល
ក៏ឃើញ ទើបជនរងគ្រោះមកប្តឹងសមត្ថកិច្ចប៉ុស្តិចោមចៅអោយទៅជួយអន្តរាគមន៍ពេលកំលាំងសមត្ថកិច្ចទៅដល់ធ្វើការឃាត់ខ្លួនជនសង្ស័យទាំង៣នាក់ និងឆែកឆេរ រកឃើញថ្នាំញៀនក្រាមពណ៍សថ្លាចំនួន៧កញ្ចប់តូចនិងធំ១កញ្ចប់។

ក្រោយមកសមត្ថកិច្ចបាននាំខ្លួនជនសង្ស័យរួមនិងវត្ថុតាងយកមប៉ុស្តិ៍ដើម្បីសាកសួរតែម្តង។

បច្ចុប្បន្នជនសង្ស័យទាំង៣នាក់រួមនិងវត្ថុតាងកំពុងសាកសួរនិងកសាងសុំណុំរឿងដើម្បីបញ្ចូនមកកាន់ផ្នែកជំនាញ នៃអធិការដ្ធាននគរបាលខណ្ឌពោធិសែនជ័យដើម្បីឃុំខ្លួនបណ្តោះអាសន្ននិងអនុវត្តតាមនិតិវិធី ៕​ សុខាសែនជ័យ