ភ្នំពេញ ៖ កម្លាំងសមត្ថកិច្ចអន្តរាគមន៍នៃអធិការដ្ធាននគរបាលខណ្ឌពោធិសែនជ័យបានជិះម៉ូតូល្បាត ក្នុងភូមិស្រាស្ត ដើម្បីទប់ស្កាត់បទល្មើសកុំអោយកើតមានឡើង បានឃាត់ជនសង្ស័យម្នាក់ឆែកឆេររកឃើញថ្នាំញៀនចំនួន៨កញ្ចប់តូច។
ប្រតិបត្តិការនេះបានធ្វើឡើងកាលពីវេលាម៉ោង២៣និង៣០នាទីយប់ថ្ងៃទី ០៩ ខែកក្តដា ឆ្នាំ២០១៧ ចំណុចផ្លូវលំភូមិថ្មគោល សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។
ជនសង្ស័យឈ្មោះ បញ្ញា ហេង អាយុ១៨ឆ្នាំ មុខរបរមិនពិតប្រាកដស្នាក់នៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
សមត្ថកិច្ចបានអោយដឹងថាមុនពេលឃាត់ខ្លួនជនសង្ស័យខាងលើកម្លាំងសមត្ថកិច្ចអន្តរាគមន៍នៃអធិការដ្ធាននគរបាលខណ្ឌពោធិសែនជ័យបានជិះម៉ូតូល្បាត ក្នុងភូមិស្រាស្ត ដើម្បីទប់ស្កាត់បទល្មើសកុំអោយកើតមានឡើង។ លុះដល់ម៉ោងកើតហេតុ ផ្លូវលំភូមិថ្មគោល សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។ក៏ឃើញជនសង្ស័យខាងលើកំពុងឈរ ជាមួយមនុស្សស្រីម្នាក់ទៀត ហើយកម្លាំងមានការសង្ស័យឈប់ចុះដើម្បីសាកសួរ តែជនសង្ស័យប្រាស់រត់ បាត់ម្នាក់ជាមនុស្សស្រី ហើយកំលាំងបានឃាត់ជនសង្ស័យឈ្មោះ បញ្ញា ហេង និងឆែកឆេររកឃើញម្សៅក្រាមពណ៍សថ្លាចំនួន៨កញ្ចប់ថង់តូចនៅនិងខ្លួនរបស់ជនសង្ស័យ។
ក្រោយមកកម្លាំងបានធ្វើការឃាត់ខ្លួនជនសង្ស័យរួមជាមួយវត្ថុតាងនាំមកកាន់ផ្នែកជំនាញដើម្បីសាកសួរតែម្តង។
បច្ចុប្បន្នជនសង្ស័យរួមនិងវត្ថុតាងបញ្ចូនមកសាកសួរនិងឃុំខ្លួនបណ្តោះអាសន្ននៅផ្នែកជំនាញនៃអធិការដ្ធាននគរនបាលខណ្ឌពោធិសែនជ័យដើម្បីបន្តអនុវត្តតាមនិតិវិធី ៕ សុខាសែនជ័យ
...
