ខេត្តកំពង់ធំ ÷  នៅវេលាម៉ោង៨ និង១០នាទី យប់ថ្ងៃទី៩ ខែកក្កដា ឆ្នាំ២០១៧ មានករណីឃាតកម្មមួយកើតឡើងនៅចំណុចភូមិសំរោង ឃុំចុងដូង ស្រុកបារាយណ៍ ខេត្តកំពង់ធំបណ្ដាលអោយបុរសម្នាក់ស្លាប់ពេលសាច់ញាតិបញ្ជូនទៅពេទ្យបង្អែកបារាយណ៌សន្ទុក។

តាមប្រភពពត័មានពីសមត្ថកិច្ចបានអោយដឹងថា ជនសង្ស័យឈ្មោះ ពេជលីន ភេទប្រុស អាយុ៤២ឆ្នាំរស់នៅភូមិសំរោង ឃុំចុងដូង ស្រុកបារាយណ៌ ខេត្តកំពង់ធំ បានយកពូថៅកាប់ទៅលើជនរងគ្រោះចំនួន២ពូថៅចំករ ជនរងគ្រោះឈ្មោះ ស៊ុនធូក ភេទប្រុសអាយុ39ឆ្នាំ នៅភូមិកើតហេតុខាងលើ(ស្លាប់ពេលសាច់ញាតិបញ្ជូនទៅពេទ្យបង្អែកបារាយណ៌សន្ទុក។

មូលហេតុជនសង្ស័យនិងជនរងគ្រោះផឹកស៊ីទាស់ពាក្យសំដីគ្នា។ ក្រោយពេលកើតហេតុជនសង្ស័យបានរត់គេចខ្លួនបាត់។

ក្រោយពេលកើតហេតុ កម្លាំងកងរាជ អាវុធហត្ថបើកការស្រាវជ្រាវតាមចាប់ខ្លួនមកផ្ដន្ទាទោសតាមច្បាប់៕ ប៊ុន រិទ្ធី