តារាកំប្លែង លោក ភិច សែ ហៅនាយចយបានធ្វើឲ្យមហាជនភ្ញាក់ផ្អើលនិងលួចច្រណែនជាថ្មីក្រោយពីនាយបង្ហាញភាពផ្អែមល្ហែមខ្លាំង នៅថ្ងៃខួបកំណើតសង្សា។ ភាពផ្អែមល្ហែមនេះបានធ្វើឲ្យបុរសៗជាច្រើនភ្ញាក់ និងស្ងប់ស្ងែងនឹងស្នេហានេះ។
នាយចយដែលមានវ័យ២៤ឆ្នាំសង្សាឈ្មោះក្វាន់ឌីទើបមានវ័យ១៨ឆ្នាំជាសិស្សដែលរៀននៅវិទ្យាល័យមួយនៅខេត្តពោធិសាត់។លោកថាទំនាក់ទំនងនេះគឺកើតមានឡើងដោយខ្លួនឯងដោយមិនមានអ្នកណែនាំឬបង្ខិតបង្ខំនោះទេហើយក្រោយការមើលចិត្តថ្លើមគ្នាគឺកាន់តែស្រលាញ់គ្នាហើយក្រុមគ្រួសារទាំងសងខាងដឹងលឺរួចរាល់ហើយដោយមិនមានការជំទាស់ដែរ។
លោកថាទោះមានភ្លើងខៀវពីក្រុមគ្រួសារប៉ុន្តែលោកនៅមិនទាន់ចូលរោងការភ្លាមៗទេគឺលោកចង់សន្សំលុយកាក់ឲ្យបានសមល្មមនឹងរៀបចំពិធីសមរម្ភមួយសម្រាប់ខ្លួននិងអនាគតភរិយា។ទស្សនិកជនបានលាន់មាត់ជាថ្មីជាថ្មីជាមួយនឹងរូបថត និងវីដេអូថ្មីរបស់នាយចយ និងកញ្ញាក្វាន់ឌី ដែលបានឱបថើបបង្ហាញក្តីស្រលាញ់ចំពោះគ្នា ហើយក៏មានបុរសមិនតិចទេច្រណែននឹង នាយចយ ដែលមានសម្រស់មិនស្អាត តែបែជាបានសង្សាស្រស់សោភាមិនចាញ់តារាប៉ុន្មានទេ។
ក្រៅពីការច្រណែន ក៏មានពាក្យជូនពរជាច្រើនសម្រាប់គូស្នេហ៍នេះផងដែរ ហើយពួកគេរំពឹងថាស្នេហានេះនឹងជាស្នេហាពិតស្ថិតស្ថេរជាអមតៈ៕ វឌ្ឍនា
