ភ្នំពេញ ៖ កម្លាំងកងរាជអាវុធហត្ថខណ្ឌព្រែកព្នៅ បានឃាត់ខ្លួនជនសង្ស័យ៦នាក់ពីបទប្រើប្រាស់គ្រឿងញៀនដោយខុសច្បាប់ នៅពីរកន្លែង ផ្សេងគ្នា នារសៀលថ្ងៃទី១០ ខែក្កដា ឆ្នាំ២០១៧ ដោយករណីទី១នៅត្រង់ចំណុចតាមបណ្ដោយផ្លូវទំនប់កប់ស្រូវភូមិកប់ស្រូវធំ សង្កាត់ គោករកា ខណ្ឌព្រែកព្នៅ ឃាត់ខ្លួនបានជនសង្ស័យម្នាក់ឈ្មោៈ ម៉ើ សាវិន ភេទ ប្រុស អាយុ ១៩ឆ្នាំ ជនជាតិខ្មែរ មុខរបរ នេសាទត្រី រស់នៅភូមិ កប់ស្រូវតូច សង្កាត់ គោករកា ខណ្ឌព្រែកព្នៅ។
សមត្ថកិច្ចបានឲ្យដឹងថាបន្ទាប់ពីឃាត់ខ្លួនជនសង្ស័យម្នាក់នេះរួចមកសមត្ថកិច្ចបានយកទៅសួរនាំនៅអង្គភាពដើម្បីស្វែងរកអ្នកចែកចាយបន្ត។លុះដល់ម៉ោង៤និង១៥នាទីរសៀលថ្ងៃខែឆ្នាំដដែលដោយមានការអនុញ្ញាតពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ កម្លាំងសមត្ថកិច្ចក៏បានចុះទៅឆែកឆេរលំនៅដ្ឋានមួយកន្លែងស្ថិតនៅភូមិ ស្វាយចេក សង្កាត់ គោករកា ខណ្ឌ ព្រែកព្នៅ ហើយឃាត់ខ្លួនជនសង្ស័យបាន០៥នាក់ ( ប្រុស៤ នាក់ ស្រី០១នាក់) ក្នុងនោះមាន១.ឈ្មោះ ឆន សីុណា ភេទប្រុស អាយុ៣១ឆ្នាំ ជនជាតិខ្មែរមុខរបរ កម្មករសំណង់ ២.ឈ្មោះ ឈៀង ស្រីពៅ ភេទ ស្រី អាយុ ២២ឆ្នាំ ជនជាតិខ្មែរមុខរបរចែកចាយគ្រឿងញៀន( ត្រូវជាប្រពន្ធឈ្មោះជាជឺន)៣.ឈ្មោះជា ជឺន ភេទប្រុស អាយុ ២៥ឆ្នាំ មុខរបរ ចែកចាយគ្រឿងញៀន៤.ឈ្មោះ ជា វិទូ ភេទប្រុស អាយុ ២៤ឆ្នាំ , ជនជាតិខ្មែរមុខរបរ ចែកចាយគ្រឿងញៀននិង៥.ឈ្មោះ ឆន សំណាង ភេទ ប្រុស អាយុ ៣៣ឆ្នាំ ; ជនជាតិខ្មែរមុខរបរកម្មករសំណង់។អ្នកទាំង០៥នាក់ នេះរស់នៅភូមិស្វាយចេក សង្កាត់ គោករកា ខណ្ឌ ព្រែកព្នៅរាជធានីភ្នំពេញ។ ជាមួយគ្នានេះដែរសមត្ថកិច្ចបានរឹបអូសវត្ថុតាងមួយចំនួនរួមមាន១.ថ្នាំញៀនប្រភេទម្សៅក្រាម ពណ៌ស ៣៩កញ្ចប់តូច២. ជញ្ជីងថ្លឹងថ្នាំចំនួនមួយ ៣.ទូរស័ព្ទNចុចពិលចំនួន០៣គ្រឿង៤.ដែកកេះចំនួន០៤៥.ប៉ែលជ័តតូចសម្រាបប់ចូកគ្រឿងញៀនចំនួនមួយ៦.ធុងទឹកកក១ដែលជនសង្សយ័ឈ្មោះជាជឺនយកគ្រឿងញៀនរំលាយចោលចំនួន១៧.លុយខ្មែរ៦០មឺុនរៀល ៨.លុយដុល្លា២០០$៩ ថង់សម្រាប់ច្រកគ្រឿងញៀនមួយចំនួនធំ ១០.ម៉ូតូចំនួន០២គ្រឿង(ទី១.ម៉ាកCBR ពណ៌ស ពាក់ស្លាកលេខ1FE_2368ភ្នំពេញមួយគ្រឿងនិងម៉ាកស៊ុយហ្ស៊ុយ គី NEXព៌ណក្រហមគ្មានស្លាកលេខមួយគ្រឿង ។
បច្ចុប្បន្នជនសង្ស័យទាំង៦នាក់ រួមទាំងវត្ថុតាងត្រូវបានបញ្ជូនទៅបញ្ជាការដ្ឋានកងរាជអាវុធហត្ថ រាជធានីភ្នំពេញដើម្បីអនុវត្តតាមនីតិវិធីបន្ត ៕ ចាន់ធឿន
