ខេត្តរតនគិរី ៖ កម្លាំងអធិការនគបាលស្រុកលំផាត់ធ្វើការឃាត់ខ្លួនបុរសវ័យចំណាស់ម្នាក់ បន្ទាប់ពីបានប្រើហិង្សា វ៉ៃក្បាលប្រពន្ធបែកក្បាលរបួសធ្ងន់ កាលពីវេលាម៉ោង១០និង៣០នាទី ថ្ងៃទី១០ ខែកក្កដា ឆ្នាំ២០១៧ នៅ ចំណុចផ្ទះ ឈ្មោះពួត ឌឺន ស្ថិតនៅភូមិព្រួក ឃុំបាតាង ស្រុកលំផាត់ ខេត្តរតនគិរី ។
ស្រ្តីរងគ្រោះឈ្មោះ ថុត ណូច អាយុ៤៨ឆ្នាំ ជនជាតិទំពួន មានមុខរបរកសិករ បានរងរបួសធ្ងន់ ត្រូវបានបញ្ជូន ទៅសង្គ្រោះនៅមណ្ឌលសុខស្រុកលំផាត់ ។ ចំណែកជនបង្កឈ្មោះ ពួត ផិត អាយុ៥៧ឆ្នាំ ជនជាតិទំពួន មុខរបរ កសិករ ។ អ្នកទាំងពីរនាក់ រស់នៅភូមិ- ឃុំកើតហេតុខាងលើ ។
ក្រោយកើតហេតុកម្លាំងនគរបាលឃុំបាតាងបានចុះត្រួតពិនិត្យ និងបញ្ជួនស្ត្រីរងរគ្រោះទៅសង្រ្គោះនៅ មណ្ឌល សុខភាពស្រុកលំផាត់តាមរថយន្តឯកជន ខណៈជនបង្កត្រូវបានកម្លាំងប៉ុស្តិ៍បានធ្វើការឃាត់ខ្លួន បណ្ដោះអាសន្ន នៅអធិការដ្ឋាននគបាលស្រុកលំផាត់ ដើម្បីចាត់ការតាមនីតិវិធី ៕ ដោយ ៖ សាយប៉ូច
