ខេត្តកំពង់ឆ្នាំង ៖ កម្លាំងកងរាជអាវុធហត្ថខេត្ត សហការជាមួយនិងរដ្ឋបាលជលផល ចុះបង្រ្កាបបទល្មើស នេសាទចំនួន៣គោលដៅ ទី១ នៅចំណុចទំនប់កី ស្ថិតក្នុងភូមិចំបក់ខ្ពស់ ឃុំស្វាយរំពារ ទី២ ភូមិសំរោងសែន ឃុំសំរោងសែន ស្រុកកំពង់លែង និងទី៣ ភូមិក្បាលកន្លង់ ឃុំពាមឆ្កោក ស្រុកជលគីរី ខេត្តកំពង់ឆ្នាំង ។

ក្នុងប្រតិបត្តិការបង្រ្កាបបទល្មើសនេសាទខាងលើធ្វើឡើងនៅវេលាម៉ោង៧និង៤៥នាទី ថ្ងៃទី១០ ខែកក្កដា ឆ្នាំ២០១៧ ។

ជាលទ្ធផលដកហូតរួមមាន ៖

-របាំងសាច់អ៊ួន ប្រវែង 200 ម៉ែត្រ

-របាំងស្បៃមុង ប្រវែង 100 ម៉ែត្រ

-លូស្បៃមុង 04 មាត់

-លូសាច់អ៊ួន 26 មាត់

-បង្គោលចំរុះ 1980 ដើម

-កូនត្រីចំរុះ 110 គ.ក្រ  ។

ឧបករណ៍ប្រព្រឹត្តបទល្មើសខាងលើ ត្រូវដុតបំផ្លាញចោលនៅនឹងកន្លែង ។ ចំណែកកូនត្រីលែងចូលក្នុងទន្លេវិញ ៕

ចន្ថា