ខេត្តរតនគិរី ៖ ព្រានប្រមាញ់សត្វព្រៃម្នាក់បានរងរបួសធ្ងន់ចំភ្លៅ និងកំភួនជើង ដោយសារជ្រូកព្រៃជាប់អន្ទាក់មួយក្បាលទៅហើយ បានខាំឆ្កឹះ ។ ហេតុការណ៍នេះកើតនៅភូមិឡាំងអាវ ឃុំកោះប៉ង់ ស្រុកវ៉ើនសៃ ខេត្តរតនគិរី កាលពីវេលាម៉ោង៥ ល្ងាច ថ្ងៃទី១០ ខែកក្កដា ឆ្នាំ២០១៧ ។
ជនរងគ្រោះឈ្មោះ ខេន ពួយ ភេទប្រុស អាយុ៣៨ឆ្នាំ ជនជាតិគ្រឹង មានទីលំនៅភូមិឡាំងអាវ ឃុំកោះប៉ង់ស្រុកវ៉ើនសៃ ខេត្តរតនគិរី ហើយត្រូវបានសាច់ញ្ញាត្តិបានបញ្ជូនមកសង្គ្រោះបន្ទាន់នៅមន្ទីរពែទ្យបង្អែកខេត្ត ។
ជនរងគ្រោះបាននិយាយឲ្យដឹងថា នៅពេលឃើញជ្រូកព្រៃជាប់អន្ទាក់របស់ខ្លួន ក៏ស្ទុះចូលទៅចាប់ដោយមិនបាន ប្រុងប្រយ័ត្ន ក៏ភ្លាត់ស្នៀតក៏ត្រូវរងការវាយប្រហារពីជ្រូកព្រៃ ខាំនិងឆ្កិះបណ្តាលឱ្យរងរបួសធ្ងន់តែម្តង ។
បច្ចុប្បន្នជនរងគ្រោះកំពុងសំរាកព្យាបាលនៅមន្ទីរពេទ្យបង្អែកខេត្ត ៕ ដោយ ៖ សាយប៉ូច
...
