ខេត្តព្រះសីហនុ ៖ យុវជនម្នាក់បានរងរបួសធ្ងន់បញ្ជូនមកកាន់មន្ទីពេទ្យបង្អែកចំការចេក ក្រុងព្រះសីហនុ ក្រោយពីបានសង្គ្រោះបឋមនៅគ្លីនិចឯក ចាក់អង្រែ បន្ទាប់ពីត្រូវបានរថយន្ត ជនជាតិចិនស្រវឹងស្រាបើកបុក ហើយព្យាយាមរត់គេចតែត្រូវសមត្ថកិច្ចតាមប្រមាញ់បាននៅចម្ងាយជិតម្ភៃគីឡូម៉ែត្រពីកន្លែងកកើតហេតុ។
ហេតុការណ៏នេះបានកើតឡើងនៅវេលាម៉ោង២៣និង៣០នាទីយប់ថ្ងៃទី១៣កក្កដាឆ្នាំ២០១៧នៅចំនុចក្បែររង្វង់មូលតោ២ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ ។
ជុំវិញករណីនេះ បើយោងតាមប្រភពពីសមត្ថកិច្ចចរាចរណ៏ ជំហានតំបូងបានអោយដឹងថានៅវេលាម៉ោងកើតហេតុខាងលើមានករណីគ្រោះថ្នាក់ចរាចរណ៏មួយកើតឡើង បង្ករដោយ រថយន្តម៉ាក ឡិចស៊ីស ពណ៏ខ្មៅ បាក់ស្លាកលេខភ្នំពេញ 2R 2600 បើកបរដោយបុរស ជនជាតិចិនឈ្មោះ CHANG WEN YUANភេទ ប្រុស អាយុ ៥២ឆ្នាំ មានទីនៅរាជធានីភ្នំពេញ រួមដំណើរជាមួយស្ត្រីអ្នកបើកប្រែម្នាក់ ឈ្មោះ ដៀន ស្រី នាង អាយុ២១ ឆ្នាំមានទីលំនៅខេត្តកណ្តាល បានបើកទៅបុកជាមួយម៉ូតូមួយគ្រឿង ម៉ាក ហ្សូមអ៊ិច ពណ៏ខ្មៅ បើកបរដោយ យុវជនម្នាក់ឈ្មោះណាប ហៀន ភេទ ប្រុសអាយុ ២៤ឆ្នាំមានទីលំនៅសង្កាត់លេខ០១ក្រុងព្រះសីហនុ រងរបួសធ្ងន់ កំរាកសង្គ្រោះបន្ទាន់មន្ទីពេទ្យបង្អែកកំការចេក ខណះពេលដឹកស្ត្រីបកប្រែចេញពីក្លឹប ក្បែរង្វង់មូលតោពីរ ។
ប្រភពសមត្ថកិច្ចដ៏ដែលបានបន្តថា រថយន្តជនបង្ករ ក្រោយពីបានបង្ករគ្រោះថ្នាក់ចរាចរណ៏ រួចមក ពុំបានឈប់ដោះស្រាយតាមផ្លូវច្បាប់នោះទេ គឺបានព្យាយាមបើកគេច បើទោះបីជាសមត្ថកិច្ចព្យាយាមតាមឃាត់យ៉ាងណាក្តី រហូត បានចម្ងាយជិត២០គីឡូម៉ែត្រ ទើបសមត្ថកិច្ចឃាត់បានបញ្ជូនមកកាន់ការិយាល័យចរាចរណ៏ខេត្តព្រះសីហនុ តែម្តង។
ដំណឹងបន្ថែម ៖ ប្រភពពីក្រុមគ្រួសារជនរងគ្រោះអោយដឹងថា យុវជនម្នាក់ដែលរងរបួសធ្ងន់ បញ្ជូនមកកាន់មន្ទីពេទ្យ បន្ទាប់ពីត្រូវបានរថយន្ត ជនជាតិចិនស្រវឹងស្រាបើកបុក កាលពីម៉ោង២៣ និង៣០នាទីយប់ ថ្ងៃទី១៣កក្កដាឆ្នាំ២០១៧ នៅចំណុចក្បែររង្វង់មូលតោ២ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ បានទទួលមរណភាពហើយ ៕ ឆ្លាម សមុទ្រ
...
