ក្រោយពេលរុស្ស៊ី បង្ហាញការខឹងសម្បាយ៉ាងខ្លាំង ​ហើយគម្រាមថា​នឹងតបតអាមេរិកវិញ ​ពាក់ព័ន្ធនិងការរិបអូស អាគាការបរទេសរុស្ស៊ីនៅអាមេរិក។ នៅពេលនេះដែរអាមេរិកបានបន្ទាន់ឥរិយាបទ​​ ដោយមានគម្រោង ប្រគល់សងទៅឲ្យរុស្ស៊ីវិញ។

ជំនួយការប្រធានាធិបតីដូណាលត្រាំ លោក​ Sebastian Gorka​បានប្រកាសថា អាមេរិកនិង ប្រគល់ អាគាការបរទេស ដែលអតីតរដ្ឋាភិបាលអាមេរិក​បានដកហូតទៅឲ្យរុស្ស៊ីវិញ​ ប្រសិនបើភាគី អាមេរិក មើលឃើញ ពីសុទិដ្ឋិនិយម ពីវិមានប្រធានាធិបតីរុស្ស៊ី​ក្នុងនោះ មានការអនុវត្តបទឈប់បាញ់នៅស៊ីរីជាដើម។

ចំណែករុស្ស៊ីវិញ មន្ត្រីក្រសួងការបរទេសរុស្ស៊ី តាមសេចក្តីរាយការណ៍ទើបបាននិយាយនៅថ្ងៃសុក្រថា រុស្ស៊ីនឹងធ្វើការពិចារណាលើការកាត់បន្ថយចំនួនបុគ្គលិក កំពុងធ្វើការនៅ ស្ថានទូតសហរដ្ឋអាមេរិកប្រចាំទីក្រុងមូស្គូ ប្រសិនបើអាមេរិក មិនព្រមប្រគល់ឲ្យវិញនូវអគារកាទូតចំនួនពីរកន្លែង នៅក្នុងរដ្ឋម៉ារីលេន និងទីក្រុងញូយ៉កទេនោះ។

នៅក្នុងសន្និសីទដ៏ខ្លីមួយ កាលពីថ្ងៃសុក្រ លោកស្រី Maria Zakharovaជាមន្ត្រីនាំពាក្យ ក្រសួងការបរទេសរុស្ស៊ី បានជំរុញឲ្យសហរដ្ឋអាមេរិកប្រគល់អគារទូតនោះ និងឲ្យបុគ្គលិកស្ថានទូតធ្វើការដូចដើមវិញ ក្នុងគោលបំណងកសាងចំណងមិត្តភាព រវាងប្រទេសទាំងពីរ ហើយលោកស្រីក៏បានធ្វើរិះគន់ថ្កោលទោសអាមេរិក ដែលមិនចេញទិដ្ឋាការ ឲ្យមន្ត្រីការទូតថ្មីដែលនឹងត្រូវទៅជំនួស តំណែងបុគ្គលិកការទូត ដែលត្រូវបានបណ្ដេញចេញ។

សូមជម្រាបផងដែរថា កាលពីខែធ្នូ ឆ្នាំ២០១៦កន្លងទៅ រដ្ឋបាលរបស់លោក បារ៉ាក់អូបាម៉ា បានបិទបេសកកម្មការទូតរុស្ស៊ីចំនួនពីរ និងបានបណ្ដេញមន្ត្រីការទូតរុស្ស៊ីចំនួន៣៥នាក់ បន្ទាប់ពីទីភ្នាក់ងារសម្ងាត់សហរដ្ឋអាមេរិកបានចោទប្រកាន់រុស្ស៊ី ពីបទហ៊ែកចូលកុំព្យូរទ័ព របស់គណបក្សប្រជាធិបតេយ្យក្នុងគោលបំណងធ្វើការយុទ្ធនាការ ឃោសនារបស់លោកស្រី គ្លីនតុង ឲ្យចុះអន់ថយឡើង៕