ខេត្តស្វាយរៀងៈ ប្រុសស្រី២នាក់បានរងរបួសធ្ងន់ខណះជិះម៉ូតូមួយគ្រឿងផ្លូវយប់ងងឹតស្រាប់តែទៅបុកនិងគ្រឿងចក្រ(រ៉េវឺល័រ)មួយគ្រឿងដែលខូចហើយឈប់ខ្វះការប្រុងប្រយត្ន័ស្របទិសគ្នាយ៉ាងពេញទំហឹងលាន់សូរប្រាវបង្កអោយមានការភ្ញាក់ផ្អើលដល់អ្នកភូមិចេញមកមើលនិងជួយសងគ្រោះដឹកមកកាន់មន្ទីពេទ្យបង្អែកខេត្ត។

ហេតុការណ៏នេះបានកើតឡើងកាលពីវេលាយប់ម៉ោង១០ ថ្ងៃទី១៥ខែកក្កដាឆ្នាំ២០១៧ ផ្លូវលេខ៣១៥ ភូមិធំ ឃុំធ្លក ស្រុកស្វាយជ្រំ ។

យោងតាមសមត្ថកិច្ចនគរបាលស្រុកបានអោយដឹងថាអ្នករងរបួសធ្ងន់ទាំង២មានឈ្មោះសូ វាសនា ប្រុសអាយុ៣២ ឆ្នាំ និងឈ្មោះទួស សំភាស់ ភេទស្រីអាយុ២៣ ឆ្នាំដោយមានទីលំនៅឃុំធ្លកស្រុកស្វាយជ្រំរីឯម៉ូតូម៉ាកហុងដាសេ១២៥ពណ៏ខ្មៅពាក់ស្លាកលេខភ្ណំពេញ១AU៩០៧១ខូចខាតផ្នែកខាងមុខទាំងស្រុង។ ចំណែកម្ចាស់គ្រឿងចក្រ (រ៉េវឺល័រ)មិនត្រូវបានស្គាល់ឈ្មោះនៅឡើយខណះសមត្ថកិច្ចនគរបាលកំពុងធ្វើការស្រាវជ្រាវ។

តាមអ្នកភូមិបានអោយដឹងថាមុនកើតហេតុមានប្រុសស្រី២នាក់បានជិះម៉ូតូមួយគ្រឿងម៉ាកហុងដាលើផ្លូវលេខ៣១៥ ធ្វើដំណើរពីត្បូងមកជើងខណះនោះស្រាប់តែបុក គ្រឿងចក្រ(រ៉េវឺល័រ)មួយគ្រឿងដែលខូចហើយឈប់ខ្វះការប្រុងប្រយត្ន័ស្របទិសគ្នាយ៉ាងពេញទំហឹងបណ្តាលអោយ របួសធ្ងន់បែកក្បាលហូឈាមត្រូវដឹកទោកាន់មន្ទីពេទ្យ។

ក្រោយមកសមត្ថកិច្ចនគរបាលបានមកធ្វើការវាស់វែងនិងអូសវត្ថុតាងទាំង២គ្រឿងមកកាន់អធិការដ្ឋាននគរបាលស្រុកស្វាយជ្រំដោះស្រាយពេលក្រោយ ៕