មេដឹកនាំ តំបន់ Donetskគ្រប់គ្រងដោយក្រុមបះបោទាំទាផ្តាច់ខ្លួនទៅចូលជាមួយរុស្ស៊ី ដូចតំបន់គ្រីមៀ បានប្រកាស បង្កើន ប្រទេសថ្មី មានឈ្មោះ( Malorossiya) (ប្រទេសរុស្ស៊ីពង្រួមតួច) នៅលើទឹកដីអ៊ុយក្រែន។
កាលពីថ្ងៃទី១៨ខែកក្កដា អ្នកនាំពាក្យក្រសួងការបរទេសអាមេរិក បានលើកឡើងថា គម្រោងបង្កើត ប្រទេសរុស្ស៊ី រួចតូចនៅអ៊ុយក្រែន គឺជារឿង មួយគួរឲ្យបារម្ភ អាចបង្ករឲ្យមានភាពតានតឹងកាន់តែខ្លំាងឡើង។
ចំណែករដ្ឋមន្ត្រីការបរទេសរបស់ ប្រទេសអូស្ត្រាលី ក៏បានបង្ហាញពីក្តីបារម្ភ ផងដែរ ពីគម្រោងរបស់មេដឹកនាំ តំបន់Donestsk។ សកម្មភាពបែបនោះនឹងធ្វើឲ្យ មានការប្រឈមមុខដាក់គ្នាកាន់តែគ្រោះថ្នាក់ និងជាការបំពាន់កិច្ចព្រមព្រៀងសន្តិភាព ទីក្រុង Minsk រវាងក្រុមបះបោនិងរដ្ឋាភីបាលអ៊ុយក្រែន។
ការព្រួយបាម្ភខាងលើ កើតឡើង ក្រោយពេលមេដឹកនាំក្រុមឧទ្ទាមគាំទ្រដោយរុស្ស៊ី នៃតំបន់បំបែកខ្លួនមួយនៅក្នុងប្រទេសអ៊ុយក្រែន បានដាក់សំណើឲ្យផ្លាស់ប្តូរអ៊ុយក្រែន ដោយរដ្ឋសហព័ន្ធថ្មីមួយ។
ប្រធានាធិបតីអ៊ុយក្រែន លោក Petro Poroshenko បានច្រានចោលគំនិតបែបនេះដោយពិពណ៌នាថា លោក Alexander Zakharchenko ជាមេដឹកនាំ សាធារណរដ្ឋប្រជាមានិត Donetsk ដែលជារដ្ឋអះអាង ដាក់ឈ្មោះដោយខ្លួនឯងថា គឺជាអាយ៉ងដែលមានរុស្ស៊ីជាអ្នកទាញខ្សែញាក់ ឲ្យបញ្ជូនសារ។
ចំណែក លោករដ្ឋមន្ត្រីការបរទេសអ៊ុយក្រែន PavloKlimkineលើទំព័រ Twitter ខ្លួន បានហៅ រឿងដែលមាន ដោយចំអកបញ្ឈឺចិត្តថា គ្រាន់តែជា” ឈុតល្ខោនផ្សារណាត់នៃពួកអាយ៉ងក្រេមឡាំង”។
ប្រទេសថ្មីនឹងរួមក្តោបអ៊ុយក្រែនសព្វថ្ងៃ លើកលែងតែទៀបកោះគ្រីមេដែលបានភ្ជាប់ខ្លួនទៅហើយ ទៅនឹង រុស្ស៊ី កាលពី ខែមិនាឆ្នាំ២០១៤ហើយរដ្ឋធានីវា គឺក្រុង Donetsk តែម្តង ដែលជាកំពែងការពារមួយសែនមាំរបស់ពួកផ្តាច់ទឹកដីនិយម ចំណែកក្រុងគៀវ នឹងមានលក្ខន្តិកៈ ជា “មជ្ឈមណ្ឌលប្រវត្តិសាស្ត្រនិងវប្បធម៌ “។
រដ្ឋធម្មនុញ្ញនៃរដ្ឋអនាគត ត្រូវបានបង្ហាញថ្ងៃអង្គារ១៨កក្កដាដោយមេដឹកនាំ សាធារណរដ្ឋបះបោរស្វ័យ ប្រកាសដូណេត DNR លោក Alexandre Zakhartchenko។ ចេញផ្សាយដោយទីភ្នាក់ងារពត៏មាន ពួក ផ្តាច់ទឹកដីរដ្ឋធម្មនុញ្ញនេះបញ្ជាក់ថា ពួកអ្នកតំណាងនៃ សាធារណរដ្ឋស្វ័យប្រកាសដូណេតនិង លូហ្កាន់ ព្រមទាំងបណ្តាតំណាងនៃខេត្តចំនួន ១៩ពីក្នុងចំណោមខេត្តទាំង២៥ របស់អ៊ុយក្រែន បាន ព្រមព្រៀងគ្នា ដើម្បី” ប្រកាសបង្កើតរដ្ឋថ្មី ដែលនឹងបន្តកេរ្ត៏ ពី អ៊ុយក្រែនសព្វថ្ងៃ “។
ប៉ុន្តែ ការប្រកាសយ៉ាងទាន់ហន់ អំពីគម្រោងបង្កើតរដ្ឋថ្មីនេះបានញ៉ាំងមេដឹកនាំ សាធារណរដ្ឋបះបោរស្វ័យ ប្រកាសលូហ្កាន់ LNR គឺ លោក Igor Plotnitskiឲ្យគាត់អាក់អន់ចិត្ត មកពីគេ មិនសួរយោបល់គាត់ឯណា។
ក្នុងភ្លើងជម្លោះជាង៣ឆ្នាំកន្លងទៅ រវាង ពួកផ្តាច់ទឹកដីរុស្ស៊ីនិយម និងកងទ័ពរដ្ឋាភិបាលអ៊ុយក្រែន មានមនុស្សធ្លាក់ខ្លួនស្លាប់ ជាង ១០.០០០នាក់ទៅហើយ។ក្រុងគៀវនិងបស្ចិមលោក ចោទរុស្ស៊ីថាចេះតែគាំទ្រដោយផ្តល់លុយនិងអាវុធដល់ពួកឧទ្ទាមនៅទីនោះ ប៉ុន្តែ ម៉ូស្គូរមែងបដិសេធច្រានចោល ការចោទប្រកាន់នេះ៕
