ខេត្តកំពង់ធំ ៖ បុរសម្នាក់ផឹកស៊ីស្រវឹកជោកជាំជិ:ម៉ូតូលឿនជ្រុលចង្កូតទៅបុកដើមឆត្របាក់កស្លាប់ភ្លាមៗនៅកន្លែងបង្កឱ្យមានភាពភ្ញាក់ផ្អើល កាលវេលាម៉ោង១១និង៣០នាទី យប់ថ្ងៃទី២៤ ខែកក្កដា ឆ្នាំ២០១៧ ចំណុចមុខផ្សារតាំងក្រសាំងស្ថិតនៅភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តកំពង់ធំ ។
តាមប្រភពព័ត៌មានពីសមត្ថកិច្ចបានអោយដឹងថា ជនរងគ្រោះឈ្មោះ ភី ភាន់ ភេទប្រុស អាយុ២៥ឆ្នាំ មានទីលំភូមិចំបក់ជ្រុំ ឃុំប្រាសាទ ស្រុកសន្ទុក មុនពេលកើតហេតុជនរងគ្រោះផឹកស៊ីស្រវឹងហើយជិ:ម៉ូតូម៉ាកFutuerពណ៏ស្វាយ លាយទឹកមាស គ្មានស្លាកលេខ បើកចេញពីជើងទៅត្បូងក្នុងល្បឿនលឿនរ៉េចង្កូតពេញថ្នល់លុះដល់ចំណុចកើតហេតុខាងលើទៅបុកដើមឆ័ត្របាក់កស្លាប់តែម្តង ចំណែកម៉ូតូខូចខ្ទេចអស់។
ក្រោយកើតហេតុ សមត្ថកិច្ចបានធ្វើការវាស់វែង ធ្វើកំណត់ហេតុ និងប្រគល់ម៉ូតូ និងសាកសពជនរងគ្រោះអោយឪពុកម្តាយនិងសាច់ញាតិយកទៅធ្វើបុណ្យតាមប្រពៃណី ៕ ប៊ុន រិទ្ធី
