ខេត្តបន្ទាយមានជ័យ៖ បច្ច័យជិត១ម៉ឺនដូល្លា បានមកពីបុណ្យកាន់បិណ្ឌទី១០ នៅវត្តប្រាសាទស្រះកណ្តាល ខ្ចាស់ ស្ថិតនៅភូមិខ្ចាស់ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ផ្តួចផ្តើមដោយលោកផាន់ វណ្ណរ័ត្ន ព្រះរាជអាជ្ញាអមសាលាដំបូងខេត្តបន្ទាយមានជ័យ និងភរិយារួម នឹងសហការី ត្រូវបានលោក ព្រះរាជអាជ្ញា យកទៅប្រកេនលោកគ្រូចៅអធិការវត្តប្រាសាទស្រះកណ្តាលខ្ចាស់ ដើម្បីយកទៅកសាងសាលាបឋមសិក្សាបាឡី១ខ្នងកំពុងសាងសង់ បានជាង៦០ភាគរយ ទៅហើយនោះ ។
សាលាបាលី១ខ្នងកំពុងសាងសង់នៅវត្តស្រះកណ្តាលខ្ចាស់គឺផ្តួចផ្តើមកកសាងដោយលោក ផាន់ វណ្ណរ័ត្ន ព្រះរាជអាជ្ញាអមសាលាដំបូងខេត្ត ដើម្បីបំរើលើផ្លូវព្រះពុទ្ធសាសានាដែលជាសាសនារបស់រដ្ឋនោះគ្រាដែលវត្តប្រាសាទស្រះកណ្តាលខ្ចាស់កំពុងប្រឈមខ្វះខាតសាលាបាឡីសម្រាប់ឱ្យព្រះសង្ឃរៀនសូត្រនោះ ។
សូមបញ្ជាក់ថា កាលពីព្រឹកថ្ងៃទី៧ ខែតុលា ឆ្នាំ២០១៥ លោកផាន់ វណ្ណរ័ត្ន ព្រះរាជ អាជ្ញាអមសាលាដំបូងខេត្តនិងភរិយា និងសហការរី រួមនិងកងកម្លាំងប្រដាប់អាវុធជុំវិញខេត្ត បានចូលរួមជាមួយនិងពុទ្ធបរិស័ទចំណុះជើងវត្តយ៉ាងច្រើកុះករ ។
ពិធីបុណ្យកាន់បិណ្ឌទី១០ នៅវត្តប្រាសាទស្រះកណ្តាលខ្ចាស់ នាឱកាសនោះបាន ធ្វើពិធីបង្សុកូល និងរាប់បាត្រ ដល់ព្រះសង្ឃគឺដើម្បីឧទ្ទិសកុសលផលបុណ្យ ជូនដល់វិញ្ញាណក្ខន្ធបុព្វបការីជននិងបងប្អូនប្រជាពលរដ្ឋខ្មែររាប់លាននាក់ដែលបានបាត់បង់ជីវិត ក្នុងរបបប្រល័យពូជសាសន៍រួមនិង ញាតិកាទាំង៧សណ្តានដែលបានរលត់ក្ខន្ធទៅហើយនោះដើម្បីមកទទួលយកផល្លានិសង្សដែលកូនចៅធ្វើបុណ្យធ្វើទាននៅពេលនេះ។
គួរបញ្ជាក់ថារដូវបុណ្យភ្ជុំបិណ្ឌដែលជាបុណ្យប្រពៃជាតិខ្មែរតាំងពីយូរលង់មកហើយត្រូវគេនិយាយថាបានលប់បំបាត់ទាំងស្រុង នៅក្នុងការគ្រប់គ្រងរបបប្រល័យ ពូជសាសន៍ចាប់តាំងពីឆ្នាំ១៩៧៥រហូលដល់ឆ្នាំ១៩៧៩ ។
ពិធីបុណ្យភ្ជុំបិណ្ឌត្រូវគេមើលឃើញថាបានចាប់ផ្តើមឱ្យប្រជាពលរដ្ឋដែលជាអ្នកជឿលើព្រះពុទ្ធសាស៍នានាំគ្នាបានធ្វើបុណ្យធ្វើទានឡើងវិញគឺចាប់ពីថ្ងៃរំដោះ ៧មករា ឆ្នាំ១៩៧៩ រហូតមកដល់បច្ចុប្បន្ននេះ ។
ពិធីបុណ្យភ្ជុំបិណ្ឌនោះគេសង្កេតឃើញប្រជាពលរដ្ឋគ្រប់ទិសទីបាននាំគ្នាធ្វើបុណ្យក្នុងទឹកមុខសប្បាយរីករាយប្រកបដោយទឹកចិត្តជ្រះថ្លានិងព្រះពុទ្ធសាសនា ។
ក្នុងឱកាសដែលប្រទេសជាតិទទួលបានសុខសន្តិភាព បង្រួបបង្រួមជាតិនិងមានការរីកចំរើនអភិវឌ្ឍហើយ ប្រជាជនមានជីវភាពធូធា រស់នៅទទួលបានភាពកក់ក្តៅ ក្រោមដំបូលរដ្ឋធម្មនុញ្ញ តែមួយ៕
ដោយ៖ សំ វិច្ឆិកា
