ភ្នំពេញ៖ បុរសជនជាតិបរទេសម្នាក់ បានឡើងឋានសួគ៌និងមានអារម្មណ៍សុខស្រួលយ៉ាងក្រៃលែងជាមួយនារីរកស៊ីផ្លូវភេទតែនារីម្នាក់នោះបែរជាបន្លំយកទ្រព្យសម្បត្ដិជនបរទេសនោះអស់ពីខ្លួនខណៈ ដែលរូបគាត់បានដេកលង់លក់មិនដឹងខ្លួន ។
ហេតុការណ៍នេះបង្កឱ្យមានការភ្ញាក់ ផ្អើល កាលពីវេលាម៉ោង៣និង១០នាទី យប់រំលងអធ្រាត្រឈានចូលថ្ងៃទី៦ ខែ តុលា ឆ្នាំ២០១៥ នៅមុខសណ្ឋាគារ លីណា នៅចំណុចទល់មុខផ្សារសូរិយាម៉ល ស្ថិត ក្នុងសង្កាត់ផ្សារថ្មីទី៣ ខណ្ឌដូនពេញ ។
សាក្សីបានឱ្យដឹងថា នៅមុនពេល កើតហេតុគេឃើញបុរសជនជាតិបរទេសម្នាក់បាននាំនារីម្នាក់ចូលសណ្ឋាគារ ។ មួយសន្ទុះក្រោយមកស្រាប់តែមាន សំឡេងឈ្លោះប្រកែកគ្នា ហើយបុរសជា ជនជាតិបរទេសនោះបានអូសដៃនារីម្នាក់ ដែលរកស៊ីផ្លូវភេទចុះមកក្រោម ដោយ ទាមទារឱ្យមេការបើកកាមេរ៉ាមើល ព្រោះខ្លួនបានបាត់ទ្រព្យសម្បត្ដិជាច្រើន ដែលនារីម្នាក់នោះបន្លំយក ។ យ៉ាងណា ក៏ដោយនារីម្នាក់នោះបានប្រាប់ថា ជន បរទេសម្នាក់នោះគេងជាមួយគាត់ ហើយមិនឱ្យលុយ ។
បន្ទាប់ពីមានការឈ្លោះប្រកែកនោះ ទៅទើបដឹងថាបុរសម្នាក់នោះ ត្រូវបាន នារីរកស៊ីផ្លូវភេទបន្លំលួចយកទ្រព្យសម្បត្ដិ ក៏ប៉ុន្ដែបុរសម្នាក់នោះមិនបានទាមទារអ្វីច្រើនក្រៅពីយកលុយនិងយកខ្សែករូប ព្រះមួយខ្សែរបស់គេត្រឡប់មកវិញដោយ មិនចង់រំខានដល់សមត្ថកិច្ចវែងឆ្ងាយ ៕
ដោយ៖ វិបុល
