ភ្នំពេញ ៖ នៅមុខក្រុមហ៊ុនប៊ុន ច័ន្ទគ្រឹស្នា នារសៀលថ្ងៃទី៣០ ខែសីហា ឆ្នាំ២០១៧ យ៉ាងតិចមានប្រជាពលរដ្ឋប្រមាណ១០០នាក់បានលើកគ្នាមកតវ៉ានៅមុខក្រុមហ៊ុន តវ៉ា និងសួរនាំអំពីសំណង់ផ្ទះល្វែង ដែលពួកគាត់បានកក់ប្រាក់ ។ ប៉ុន្តែមិនទាន់ឃើញ ដំណើរការ សង្ស័យថា នេះជាល្បិចយកលុយ របៀបធ្វើនំអត់ម្សៅ ពីប្រជាពលរដ្ឋដែលជាអតិថិជនដើម្បីដំណើរការរបស់ខ្លួន ។
ករណីតវ៉ានេះបានធ្វើឡើងនៅលើផ្លូវលេខ៥៧ កែងលេខ៣០៦ ស្ថិតក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ ។
ប្រជាពលរដ្ឋបានឲ្យដឹងថា សំណង់ផ្ទះល្វែងដែលក្រុមហ៊ុនប៊ុន ច័ន្ទគ្រឹស្នា រៀបគម្រោងលក់ ហើយពួកគាត់បានកក់ប្រាក់ដើម្បីជាវ គឺស្ថិតនៅសង្កាត់ព្រៃវែង ខណ្ឌដង្កោ រាជធានីភ្នំពេញ មានរយៈពេលច្រើនឆ្នាំមកហើយ នៅតែពុំទាន់ដំណើរការសាងសង់ ចំពោះចំណុច និងទីតាំងដែលពួកគាត់បានកក់ប្រាក់ ទើបលើគ្នាមកសួរនាំ ។ ប៉ុន្តែមិនទាន់មានដំណោះស្រាយឆ្លើយតបដោយ លម្អិតណាមួយពីម្ចាស់ក្រុមហ៊ុនប៊ុន ច័ន្ទគ្រឹស្នា នៅឡើយទេ ៕ ស រស្មី
