ខេត្តស្វាយរៀង៖ ស្ត្រីម្នាក់ត្រូវ សមត្ថកិច្ចនគរបាលខេត្ត ឃាត់ខ្លួនតាមដីកាតុលាការពីបទពង្រត់មនុស្សទៅលក់ កាលពីថ្ងៃទី១៣ ខែតុលា ឆ្នាំ២០១៥ វេលាម៉ោង១០ព្រឹក ។
សមត្ថកិច្ចនគបាលបានអោយដឹងថា ស្ត្រីដែលត្រូវបានចាប់ខ្លួនមានឈ្មោះព្រំ ធឿន
អាយុ៤៦ឆ្នាំ មុខរបរមិនពិតប្រាកដ មានទីលំនៅក្នុងភូមិបឹងអណ្តែង ឃុំតាសួស ស្រុកស្វាយជ្រំ ខេត្តស្វាយរៀង ។
សមត្ថកិច្ចនគបាលបន្តថា ការចាប់ខ្លួននេះគឺតាមដីកាលេខ៩២ ចុះថ្ងៃទី២៤ ខែវិច្ឆិកា ឆ្នាំ២០០៨ របស់លោកចៅក្រមស៊ើបសួរ លី លឹមម៉េង កាលពីថ្ងៃទី១១ ខែកញ្ញា ឆ្នាំ២០០៧ បទល្មើសព្រហ្មទណ្ឌដែលមានចែងផ្ដន្ទាទោសក្នុងមាត្រា ០៣នៃច្បាប់ស្ដីពីការពង្រត់មនុស្សយកទៅលក់ឬយកទៅធ្វើពេស្យាចារ។
បច្ចុប្បន្នស្ត្រីខាងលើត្រូវសមត្ថកិច្ចបញ្ជូនទៅពន្ធនាគារខេត្តស្វាយរៀងតាមផ្លូវច្បាប់ ៕
ដោយ៖ យឹម សុថាន
