ភ្នំពេញ ៖ នៅវេលាម៉ោង១០ព្រឹក ថ្ងៃទី១៤ ខែកញ្ញា ឆ្នាំ២០១៧ លោកវរសេនីយ៍ឯក ម៉ក់ ហុង អធិការនគរ បាលខណ្ឌសែនសុខ បានដឹកនាំកម្លាំងចុះសួរសុខទុក្ខលោកអនុសេនីយ៍ទោ ផន ផង់ដារា នាយរងផ្នែកយុត្តិធម៌ នៃអធិការដ្ឋាន ខណៈលោកកំពុងមានជំងឺសម្រាកព្យាបាលនៅគេហដ្ឋានរបស់លោកផ្ទាល់ ដែលមានទីតាំង ស្ថិតនៅភូមិក្រាំងអង្ក្រង សង្កាត់ក្រាំងធ្នង់ ។
ក្នុងឱកាសអញ្ជើញសាកសួរសុខទុក្ខ លោកវរសេនីយ៍ឯក ម៉ក់ ហុង បាននាំយកសម្ភារ និងអំណោយមួយចំនួន រួមមាន ៖ ភេសជ្ជៈ និងថវិកាចំនួន៤០០.០០០រៀល ឧបត្ថមដល់លោក ដែលកំពុងជួបការលំបាកក្នុងជីវភាព គ្រួសារប្រចាំថ្ងៃ ៕ តុង សីហា
...
