ភ្នំពេញ ៖ ជនសង្ស័យមួយក្រុម បន្ទាប់ពីធ្វើសកម្មភាពឆក់កាបូបពីជនរងគ្រោះមិនបានសម្រេច ស្រាប់តែដួលម៉ូតូ ហើយត្រូវបានបក្ខពួកបិទគូទ នាំឡើងជិះម៉ូតូគេចខ្លួនបាត់សម្រោល ដោយបន្សល់ទុកម៉ូតូជនសង្ស័យនៅកន្លែងកើតហេតុ ។
ហេតុការណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី២៧ ខែកញ្ញា ឆ្នាំ២០១៧ ស្ថិតនៅ ចំណុច ផ្លូវព្រះមុនីវង្ស សង្កាត់បឹងកេងកង៣ ខណ្ឌចំការមន រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុជនសង្ស័យ២នាក់ខាងលើនេះ បានជិះម៉ូតូមួយគ្រឿងម៉ាក ហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1GI.7950 និងបក្សពួក២នាក់ទៀតជិះម៉ូតូមួយគ្រឿងជិះមានគ្នា២នាក់ លុះដល់ចំណុចកើតហេតុស្រាប់តែជនសង្ស័យខាងលើ បានធ្វើសកម្មភាពឆក់កាបូបពីជនរងគ្រោះកំពុងជិះម៉ូតូកង់បី ដែលកំពុងធ្វើដំណើរតាមដងផ្លូវតែឆក់តែមិនសម្រេចភ្លាមៗនោះជនសង្ស័យស្រាប់តែដួលម៉ូតូក៏ត្រូវបានបក្សពួក២នាក់ទៀតមកយកជិះម៉ូតូរត់គេចខ្លួនបាត់សម្រោល ហើយបានបន្សំទុកម៉ូតូជនសង្ស័យនៅកន្លែងកើតហេតុ។ក្រោយកើតហេតុទើបឃើញកម្លាំងសមត្ថកិច្ចប៉ុស្តិ៍បឹងកេងកង៣បានមកដល់កន្លែងកើតហេតុហើយបានយកម៉ូតូទៅរក្សាទុកដើម្បីស្រាវជ្រាវរកមុខក្រុមជនសង្ស័យខាងលើផងដែរ ៕ ស រស្មី
