ភ្នំពេញ៖ ជនសង្ស័យ២នាក់រួមទាំងថ្នាំញៀនមួយចំនួនត្រូវបានកម្លាំងអន្តរាគមន៍របស់អធិការនរបាលខណ្ឌពោធិ៍សែនជ័យ ធ្វើការឃាត់ខ្លួនកាលពីវេលាម៉ោង២១និង០០នាទីយប់នៅចំណុចផ្លូវលំ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១)ឈ្មោះ គ័ង លាភភេទប្រុសអាយុ១៨ឆ្នាំ មុខរបរឡើងត្នោត ស្នាក់នៅក្រោយវត្តគោកបញ្ជាន់ភូមិថ្មគោលសង្កាត់ចោមចៅ ខណ្ឌពោធិ៍សែនជ័យ ។ទី២)ឈ្មោះ ហេង វិជ ភេទប្រុសអាយុ៣៤ឆ្នាំមុខរបរកម្មករសំណង់ ស្នាក់នៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានពីកម្លាំងនគរបាលម្នាក់បានអោយដឹងថា នៅមុនពេលឈានដល់ការឃាត់ខ្លួនជនសង្ស័យខាងលើកម្លាំងនគរបាលផ្នែកអន្តរាគមន៍ចេញល្បាតចំនួន៤ម៉ូតូគ្នា៨នាក់។លុះជិះមកដល់ចំណុចកើតហេតុខាងលើក៏ស្រាប់តែជួបជនសង្ស័យចំនួន២នាក់ កំពុងអង្គុយនិងឈរនៅ តាមផ្លូវដោយមានការសង្ស័យទើបកម្លាំងបានឈប់សួរនាំនិងសុំធ្វើការត្រួតពិនិត្យឆែកឆេរ ស្រាប់តែជនសង្ស័យរត់ត្រូវកម្លាំងនគរបាលឃាត់ខ្លួនជាប់ ហើយដើររកមើលជុំវិញ
កន្លែងកើតហេតុដែលជនសង្ស័យឈរឃើញម្សៅក្រាមពណ៌សថ្លាចំនួន៤កញ្ចប់តូច ។
ក្រោយពីរកឃើញវត្ថុតាង រួចកម្លាំងនគរបាលបាននាំខ្លួនជនសង្ស័យនិងវត្ថុតាងមកសាកសួរនាំនៅផ្នែកជំនាញតែម្តង។
បច្ចុប្បន្នជនសង្ស័យទាំង២នាក់ រួមនិងវត្ថុុតាង ត្រូវកម្លាំងនគរបាលផ្នែកអន្តរាគមន៍បញ្ជូនទៅអោយផ្នែកជំនាញប្រឆាំងគ្រឿងញៀននៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការបន្ត៕
ដោយ៖ សុខាសែនជ័យ
